【TSA回歸】中學生批家長誇大壓力　「玩創晒個心先做唔完功課」

基本能力評估（BCA，前稱TSA）在上周以抽樣方式，進行了中文科視聽資訊評估，及中、英文科說話評估。而全港絕大部份小三學生，將在下月應考中、英、數三科的筆試評估。
圍繞著BCA的爭議不斷，香港電台節目《城市論壇》今日討論BCA，不少台下觀眾發言，有中學生發言時，質疑家長代表何美儀誇大現時小學生面對的壓力，其中一名男學生直言「10樣8樣功課係好正常」，又指部份抱怨自己未做完功課的學生，是因為「喺補習社玩到個心創晒，返到屋企無心機做功課。」

撐適量操練正確

TSA引來全城關注學生面對的操練和課業壓力問題，有人質疑即使現在改為是BCA，一樣是「換湯不換藥」，擔心問題依舊。不過，在城市論壇上，有來自東華三院陳兆民中學的學生發言時，就強調適量操練是正確的，又認為學生做唔完功課，完全是個人的問題。

我細個都有經歷過呢個階段，我覺得適量操練喺正確，咁你唔通上完堂聽完，咁你唔駛返屋企做練習咩?你唔做啲練習唔會識架嘛，咁我覺得10樣8樣功課喺好正常。我細個放學返屋企，做完功課喺趕得切5點睇多啦A夢。 我覺得操練的問題唔大，反而我身邊的同學，喺雙職家庭，爸爸媽媽要佢地放學就去補習社，反而佢地喺補習社玩到個心創晒，返到屋企無心機做功課。所以點解侯教授話有30%的學生返屋企做3、4個鐘都做唔完功課就係咁解囉。

不過，同校的另一名女同學就質疑，BCA的試題涉及應試技巧，質疑學生不經額外的操練能否作答方式。她又質疑，BCA是否能夠正確評估一間小學的教學成效。

家長代表：應看重學生學習歷程

台上嘉賓鳳溪公立學校行政總裁馬紹良認為BCA有其作用，受政府資助的學校應該公開透明地接受公開評核，又指學校想減功課時，會遇到部分家長的壓力。而家長聯盟代表何美儀認為，社會應該看重學生的學習歷程，她引用國際評估數據，指本地學生即使評估表現出色，但學習動機卻甚低，長遠不利學童發展。