【有片】本土首胎兩隻導盲犬終出更　視障人士：牠是我生命的祝福

本土首胎繁殖的導盲犬終於「出更」了！導盲犬Happy和Holly在接受了兩年的訓練，和與視障人士配對後今（20日）正式畢業，這亦是本港首次成功由出生至培育的導盲犬投入服務。有視障使用者形容，獲得導盲犬是其生命的祝福。

兩年前，一胎四隻本土導盲犬呱呱落地，眼都未睜開已背負着香港導盲犬服務的責任和期望。兩年過去，由幼犬長大為成犬，同時，Happy和Holly已經接受完訓練，正式加入導盲犬行列。

香港導盲犬服務中心主席張偉民（Raymond) 回首這兩年，他形容是本地導盲犬服務的一大躍進：「4年前我哋要由零開始，一步一步咁走到今日好唔容易，佢哋（本土導盲犬）都由BB到導盲犬，其實好感動，當時訓練佢哋波鞋都行爛幾對，今時今日見到可以服務視障人士就覺得一切都好值得。」

視障人士：導盲犬不只是同行者

視障人士謝芷媛在幾個月前經配對，獲得了導盲犬Holly，她指Holly對其影響很大：「佢好有親和力，亦係一隻好有情嘅狗，喺我生活中幫咗好多，唔止係我嘅同行者，仲係我生命入面好大嘅祝福。」

另一名視障人士陳貫霞同樣獲得了她生活的大幫手：「見到佢嘅時候有種好特別嘅感覺，覺得就係佢了！雖然我仲有大約兩成視力，但好多野都睇唔清，Happy佢會幫我搵路，有時未同過佢去佢都可以搵到條捷徑，有次搭港鐵又搵到個闊啲嘅閘，令我好驚喜。」

4隻同胞小狗，兩隻已出更，另外兩隻又如何呢?Raymond 稱，有一隻現時仍然受訓，但相信數個月後就可以畢業；不過剩下的一隻就訓練「肥佬」：「無辦法唔係隻隻狗都可以做導盲犬，佢就做一隻普通狗仔啦，都開心㗎！我哋個培育成功率都有75%，好叻㗎了！」

訓練員Edith：最感動係見到困難變得唔係困難

除此之外，中心尚有一個喜訊要公布，就是訓練員李苑甄（Edith）成為首個於本土接受訓練，而獲得國際認可資格的訓練員。李苑甄指，這4年是她人生難忘的4年：「當初只係諗住做寄養家庭，但Raymond 知我有對開動物嘅經驗，所以就邀請我做訓練員。」

Edith頭兩年都是擔當無薪全職義工：「一開始真係好辛苦，香港啲路又窄又斜，天氣又好熱，我已經着行山鞋㗎了，但都爛咗幾對，而且仲個個禮拜睇醫生。」日子有功，Edith最終克服困難成為首名獲國際認可的訓練員：「其實最開心係睇住，4年前啲人歧視你帶導盲犬、交通工具唔畀你上、商場見到你如臨大敵、餐廳只畀你入最僻嘅位，到4年後好多人都明白你，所有嘅困難都變成唔係困難。」

同時，兩頭香港繁殖的導盲幼犬Bess和Bingo已完成在港的健康檢查、疫苗注射，以及狂犬病抗體血液測試，將會在未來數個月贈送至台灣和日本，作為交流和幫助鄰近地區發展，這次更是本地首次有導盲犬輸出。