【專訪】田二少退新民黨　田大少讚細佬有原則：可做到我咁受歡迎

立法會議員田北辰日前宣布退出新民黨，與黨主席葉劉淑儀「因了解而分開」，兄長田北俊即在facebook抽水：「麒麟啤好難飲咩？」不過，田大少抽水之餘亦為二少說好話，指細佬做人有原則、有主見，相信他沒有新民黨招牌「綁手綁腳」，會獲更多市民認同，甚至成為最受歡迎的立法會議員。

「唔埋堆好難做政黨」

自由黨榮譽主席田北俊接受《香港01》訪問時表示，早留意到田北辰「麻麻地開心」，因為葉劉加入行政會議後，凡事支持政府，「田北辰好似無乜選擇，乜都跟住佢行」。田北辰曾加入自由黨，但與黨友不咬弦而退黨，田北俊直言，太主觀的人不合適加入政黨，只宜任獨立議員，「任何政黨都要協調，大家都唔就大家就好難」，相信田北辰暫不會另起爐灶組黨。

田北俊說，弟弟做人有原則、不易妥協，亦很少「埋堆」，坦言「唔埋堆就好難做政黨」。不過，他認為田北辰下屆獨立出選，絕對有能力連任，沒有新民黨招牌「綁手綁腳」，做事可能更有效率，隨時會成為最受歡迎的立法會議員。

自由黨親政府　唔啱田北辰

他舉例指，田北辰近日反對政府注資迪士尼，非常「有吉士」，相反葉太只能支持政府，「如果你講嘢市民啱聽，影響力一定會增加」，亦可以做到中間角色。他相信田北辰可以像他一樣受歡迎，但笑稱弟弟退黨前要通知中聯辦，「保守過我！」

被問到會否重新招攬田北辰入自由黨，田北俊稱，除黨魁鍾國斌外，現時的自由黨太親政府及中聯辦，黨主席張宇人已加入行會，「拖住易志明、邵家輝，乜都支持政府」，加上田北辰與張宇人不和，相信他不會重新加入。