【聯合航空事件】有返港乘客斥做法不妥　揚言「以後未必會揀佢」

美國聯合航空因超賣機位，與乘客起衝突事件惹來全球關注。今（11日）有7班聯合航空返港的航班，其中由芝加哥返港乘客指，過往曾多次乘搭聯合航空，知悉其內陸機機位緊張，超賣情況時有發生，但航空公司於今次事件上並不合理：「隨機抽完要人走係好唔啱，應逐個客人問是否願意轉機，否則係得罪乘客。」亦有首次乘搭該航空公司的港人批評做法「亂咁嚟」，明言以後不會選擇該航空。

美國聯合航空因超賣機位引發連串風波，其中今日一班由芝加哥飛往香港、編號UA895客機，今晚約6時半到達香港國際機場。乘客Peter Yuen指，航空公司因超賣需要乘客改航班時有發生，但以電腦隨機抽出4名人離開，有乘客拒絕遭強行拖走的做法不妥當，「隨機抽完要人走係好唔啱，應該要逐個客人問是否願意接受賠償、落機，否則係得罪乘客，物極必反。」

任職麵包師傅的Peter指，曾見過該公司職員要求飛往上海的部分乘客改航班，「起初賠償金額不多，無人肯改，最後升至每人賠800美金，就有人自願遲一班機先走。」他又說，因該航空公司機票相對便宜，過往乘搭經歷理想，暫不會影響以後繼續選搭。

乘客：對美國聯合航空印象變差

另一班今晚由紐約返港的UA179航班乘客余先生表示，航空公司因超賣「趕人走不合理」，「明明係你（航空公司）唔啱，仲要格硬嚟，話嗮人地真金白銀買機票，（航空公司）計條數唔好計咁盡，處理手法應該要再好啲。」他續指，該事件令他對美國聯合航空印象變差，「以後都未必會揀佢。」

他又透露，在美國逗留的12日期間均選搭該航空公司，但於紐約飛往華盛頓時，航班因天氣原因延誤四小時，及後回程航班因航線繁忙被迫取消，需改以其他交通工具返紐約，「打去hotline又叫我上website攪，㗰我時間，惟有返到香港先攪（賠償）。」

同班機的鍾小姐，首次選搭聯合航空。她批評航空公司應知道機位預訂率，並應在登機前諮詢乘客轉機意願，「點可以亂咁嚟。發生咁嘅事，以後都唔會搭佢（聯合航空）。」她續說，曾坐其他航空公司航班時，發生過因超賣而改航班事件，「佢哋係check in時就問我，又畀嗮coupons（優惠券），我諗住去玩，冇所謂都接受咗。」