【迎雞年】九龍城賣雞女王玲姐15年玉手劏雞5萬　第一殺至今難忘

本周五為年卅晚，團年飯總會有碟雞。每逢大時大節、停售或復售活雞，傳媒都會到九龍城街市周華記雞檔，找悉心打扮的「賣雞女王」玲姐問生意如何。
原以為殺雞無數的她已經麻木，她卻不認同，原來第一隻死於她刀下的雞，因割喉放血割得不夠深，「擺入熱水淥，點知隻雞撐起對翼，原來佢未死」，為此她失眠一整晚，直至現時仍有陰影。雞檔真正「劊雞手」是其胞弟，她大約每日親手只劏檔口一成雞，但15年來，手下亡雞仍至少有5萬隻。

九龍城街市於1988年落成，玲姐母親為首批入場檔販，以賣雞養活六子女。周老太近年因年事已高，較少到檔位工作，改由玲姐及胞姊和胞弟經營。回想入行初時，「當時我仔仔一歲，阿媽叫我落嚟幫手，起初都係收下錢執頭執尾為主，玩幾個鐘就返去湊仔啦！」玲姐育有三子，十多年前兒子們先後升中，她正式到檔位坐鎮。

雞檔有一朕雞味，雞毛、雞屎予一般人感到不太舒服，玲姐卻總是穿得花枝招展，化個靚裝，戴上耳環，一點也不像一般街市檔主。這位身型偏瘦的靚姐，如何落手殺第一隻雞，她答得尷尬，原來她實在畢生難忘。

雞未死放入滾水撐吓撐吓

「第一次割喉，唔識鋸，劏完擺入雞房（熱水鍋）淥喎，佢撐吓撐吓（雞翼）嚇到我，驚嘛！原來佢未死，嗰時我驚到即時用蓋蓋住，等咗好耐先打開。我宜家仲記得，嗰晚我返到屋企全晚都瞓唔着，宜家割喉都盡量界深啲，望都唔望放入筒內放血。」

如此驚青怎賣活雞？原來全靠一男子──她的胞弟負責劏九成的雞，其餘一成才由她出手。但玲姐對劏雞未有生疏，割喉放血，放入熱水中淥，再用毛鉗拔掉幼毛，交到客人手上，全程不需15分鐘。「當然要快啦，唔想老友記企太耐等！」

沒交牌出來　因熟客叫繼續賣雞

玲姐對每位熟客均以朋友相待。「個個都幫襯好多年，當年禽流感話會收牌，啲客叫我哋一定要繼續賣雞，唔好唔做，都係因為咁繼續做囉！」近年市民多轉買冰鮮雞，但不少家庭仍鍾情活雞美味，加上雞販數目減少，對玲姐雞檔的生意影響不大。