守外父近半世紀補鞋舖　七旬翁不言休：呢度係我第二個家

消費風氣盛行，若雙鞋有破損，大多人會選擇棄掉，舊式補鞋舖屬碩果僅存。一個屹立在荃灣屋邨內超過半世紀的補鞋舖，店主梁仲最初不忍體弱外父失去心血而接手補鞋舖，一做逾10年，對店舖的感情日增。已年近70的梁仲笑言指在店舖較在家的時間更長，「當咗間鞋舖係第二個屋企」，又希望「有幾耐做幾耐，唔想浪費咗心血」。

不忍外父心血消失　近六旬學補鞋

「最初因為外父身體唔好，已經做唔到，咁我又差不多退休，就接手做」，梁仲憶述外父在60年代開始經營補鞋舖，取名「根記」，後來因外父年歲增長，身體日差，欲結束補鞋舖，他不忍外父的心血浪費，便接手過來。原本任職貨車司機的梁仲，現時的手藝全靠外父傳授，「佢（外父）仲做緊補鞋舖嘅時候，我得閒都會幫下手……到我接手嗰時，佢不時會落嚟教下我，將所有功力都傳授畀我」。近60歲始學習如何補鞋，梁仲不敢有任何怠慢，由基本功慢慢學起，邊做邊學，轉眼已過11年，現時修補鞋來已有板有眼，不時有客人大讚「手勢好」。

補鞋舖坐落在荃灣福來邨一棟大廈的後樓梯，小小的一間，毫不起眼，主要的生意來自附近工作的辦公室人員，及屋邨內的街坊。梁仲手拿起一隻鞋底與鞋身幾近分離的長靴，先拿擦子輕輕擦去膠水，接着便要用磨鞋擦將膠水磨走，注入新膠水，用錘子敲鞋底數次作鞏固；一連串的功夫，也不過收40元。

難忘臭氣熏天鞋　恐不能續租

說起最難忘的一次補鞋經歷，竟然與一對臭氣熏天的襪有關！「收過一對好臭嘅鞋，原來入面有一對放咗好耐嘅襪，我一拎，好臭！即刻扔咗！對鞋臭到我要放佢出去太陽度曬，等啲味散散先。」

除了滑稽的經歷，梁仲亦難忘與熟客間的感情，梁指指對面的中學，「以前好多學生會嚟我哋度整鞋，整到大個，都會專登返嚟整」，有些遠居元郎及將軍澳的客人亦會特意前來，找梁仲補鞋，「補完鞋，佢哋（熟客）有時會買蛋撻，又試過買咖啡請我飲，感情好到似家人咁」。

現時的店舖，租約是由其外父與房屋署所簽的，每三年需續租一次，不得更名。梁指外父已入住老人院，身體狀況已差得落不了床，每次續約，是由他推着輪椅送外父去簽署。「好驚有日續唔到租……喺鞋舖嘅時間仲多過喺屋企，當咗間補鞋舖係第二個屋企……想有幾耐做幾耐，唔想浪費咗心血」，梁仲強調與金錢無關，而是在補鞋舖多年，無論與店舖或是客人的感情深厚，他最不捨的，是一份「情」。