【項明生專訪】介紹日本深度遊　批「大台」日本節目「食到膩」

近年電視台頻頻推出日本旅遊節目，作為日本旅遊達人的項明生，近日在「香港開電視」（前稱奇妙電視）也推出介紹日本的《明治憑甚麼》。他形容此為深度「知日」節目，並批評一直以來部分日本旅遊節目總跟美食有關，看得眼球也「膩」了，「不停咁食食食，見到都飽，要搵好嘢食唔難，香港人咁鍾意日本，應該要知佢哋文化」，因此他要拍出非「大台」（無綫電視）感覺的日本旅遊節目。
項明生批評無綫一些旅日節目主持人標榜「私房推介」，「其實你未出世人哋已經喺度，你嘅私房？我細細個都去過，有啲人話呢個係『我私房list』、『私房推介』，其他人唔識嘅，會俾人笑！」

大台鍾意拍攝飲食節目，就一窩蜂拍，男拍完女又拍，老拍完到中年拍，中年拍完後生拍。

強調要以自己風格殺出新血路

近年電視主打綜藝節目，日本旅遊節目拍了又拍，走勻各地，藝人杜如風、森美及周奕瑋等等所推介的景點、美食，吸引到不少港人追捧。節目內容談及的，不外乎推薦「食、玩、買」，要在主持界別突圍，必定要有個人之處。項明生表示認同，「飲飲食食係大眾易消化嘅，所以講歷史，文化，殺出新血路，做其他人無做呢啲嘢，要自己風格。」

「大台」無綫電視近年推出不少日本旅遊節目，項明生說，了解到電視台走大眾路線，要輕鬆愉快易明，但較為單一，「『大台』鍾意拍攝飲食節目，就一窩蜂拍，男拍完女又拍，老拍完到中年拍，中年拍完後生拍。」惟香港開電視強調要跟其風格不同，正合他意，「講明唔要大台（無綫）嘢，佢地要唔同啲，要有深度。」

稱杜如風周奕瑋非競爭對手

對於有些日本旅遊節目主持人拍攝單一餐廳簡介，在節目中強調是「獨家」推介，他不太認同。他指出，不少餐廳開業良久，為人所熟識，但主持卻稱是「秘密推介」，「有啲人話呢個係我私房list，私房推介，其他人唔識嘅，會俾人笑㗎！餐廳唔係因為你一個人而存在，我朋友成日『藐』所謂獨家list，冇可能獨家嘅，人哋做生意，唔會你去拍先第一次見到，會俾人笑。」

對「行家」批評得如此「狠心」，會否擔心外界看法？項明生說，他跟杜如風一向友好，在電台節目中亦有交流心得；對於加入電視行業比他早的「前輩」周奕瑋，他說跟周同日生日，一向有交流，同樣討論過有關問題，「我話呢個係不歸路，但呢個係電視台嘅要求、想要嘅風格，就係要飲食同購物。」他強調主持各有風格，非競爭對手。

「只得吃喝玩樂對唔住日本囉」

「無綫走大眾路線，佢哋鍾意輕鬆；Cable（指香港開電視）講明唔要大台（無綫）嘢，佢哋要唔同啲、深度啲。Viu TV係偏鋒路線，如《衝三小》，係好啱年輕人，Cable就啱成熟中產啲，各有各做。」項說，為了做深度旅遊節目，先後兩次自資到日本18地區搜集資料。

說得如此深入了解日本，要由熱愛到日本購物到了解歷史，項明生說，「唔係要崇日，其實係要知日。」明白前人的成功，希望改變到港人到外地旅遊的惡習，「只得吃喝玩樂對唔住日本囉，人哋係一個豐富嘅國家，唔係只有餐廳、shopping mall，係有文化、有manner（規矩），人哋唔會喺火車講電話，公眾場合唔會跳大媽舞，呢啲思想係明治維新開始。」

曾為無綫拍攝《日韓台櫻花三角戀》

現年49歲的項明生，生於四川成都，16歲移居香港，1989年考入香港大學，主修日本研究及心理學，並於1996年取得中文大學工商管理碩士學位。他在1998年加入Sony Computer Entertainment Hong Kong Limited，由市場部推廣主任爬上總經理，其後被擢升為公司第一位華人董事。但他於2013年選擇離職，加入智傲集團任行政總裁，協助其上市工作，其後退守為非執行董事，並同時接受華誼兄弟邀請，成為娛樂及旅遊部香港區總監。雖然他批評無綫旅遊節目，但也曾為大台拍攝《日韓台櫻花三角戀》、《日耳曼的天空》等節目。