【颱風山竹.有愛】大埔鷺鳥林雀屍處處 街坊合力營救生還雀B
撰文:呂諾君
出版:更新:
山竹襲港,全港塌樹處處,樹上的生物何去何從?大埔廣福道有一個全港第二大的鷺鳥林,過去曾錄得有逾150個鳥巢,不過橫風橫雨之下,今日有市民發現,部分幼鳥被強風吹到地上,更有被塌下的樹枝壓中,雀屍處處。有街坊見狀,立即致電愛協,救起現場仍有氣息的雀鳥,希望牠們可以存活下來。
大埔街坊吳小姐表示,今早12時經過廣福道時,見到有至少5隻幼鳥橫屍路上,當時已有3名街坊圍在一起,一同致電漁護署和嘉道理農場,惟久久未能打通。「可能係畀大風由樹上吹落嚟,又有啲係畀樹枝壓住,有啲死雀B就瞓喺路中心,已開始有烏蠅『嬲住』!」吳小姐指,街坊對雀B死去感到心痛,因此一見到有數隻幼鳥「有聲氣」,就立即向愛協求助。
+2
「SPCA一點左右嚟到,救走咗3隻雀,職員話都係暫時keep住啲雀B先,過兩日等嘉道理農場開返再送過去照顧。」吳小姐引述愛協職員表示,其中一隻體型較大的鷺鳥情況穩定,但其餘兩隻則要視乎牠們「捱唔捱到」。她又指,經過颱風侵襲,大家都希望雀鳥能平安無事,「街坊見到啲雀個位太近馬路,都有幫手趕佢哋行返入啲,大家都希望佢哋可以快啲冇事!」
![hotline](https://01web-strapi.hk01.com/upload/entrance_banner_a5093e637d.jpg)