屯門青賢花園百無　康文署咁解釋

屯門河旁有一個青賢花園，今年4月開放。雖説是花園，但設備簡陋，就連座椅上蓋也沒有，夏天「辣pat pat」，落雨又濕透，得物無所用。不過近日康文署就解話，公園之所以百無，原來是關渠務處事。

近日一眾屯門區議員向區議會遞交文件，要求為屯門青賢花園的長凳加設上蓋，以免烈日之下，座椅熱得不能坐，同時希望增設任何類型的兒童玩樂設施和洗手間。屯門區議員古漢強的助理郭先生接受《香港01》查詢，指最近接獲街坊投訴，早前天氣炎熱，在猛烈陽光下，花園内的長椅非常熱，根本不能使用。

「另外又話公園入面啲設施多數都係比老人家做運動，小朋友嘅就得好少，所以咩設施都想加。」 郭先生又指，公園内沒有公厠，如果市民需要使用，就要先步行至獅子山球場或新墟街市的廁所，相當不便。據悉青賢花園興建多年，今年終於啓用，雖然街坊對爛地搖身一變成爲公園表示歡迎，但就指設施相當沉悶，未能善用地方。

康文署就為青賢花園百無解話，指原來青賢花園大部分位置都是渠務處定下的保留地，有挖掘限制，不可興建地底或地面結構。因此，大部分工程都無法展開，而座椅的上蓋亦無法動工。不過，署方續指，已經向委員交待議員希望增設兒童玩樂設施和洗手間的意見，將會和相關部門商討，研究可行性。