【一周壞三次】寶林邨恐怖電梯自行上上落落　居民：仲搭唔搭得？

入伙30年的將軍澳寶林邨，早年經租者置其屋計劃，將大部份單位出售予租戶。不過有居民表示，屋邨內的升降機出現嚴重老化問題，不時需要圍封進行維修，誇張時更是「一星期內壞3次」。居民出入不便之餘，有見近年升降機意外不斷，更擔心升降機是否有安全問題。有地區人士指出，全面更換升降機的計劃刻不容緩，希望房署能落力督促法團及管理公司盡快處理。

「啲𨋢一個禮拜壞3次，上晝整完下晝又壞過！」居於寶林邨寶寧樓的阿Ken指，該邨的升降機常常出現故障，需要圍封起來進行維修。他形容，升降機「總有一部係整緊」，如同長期處於圍封狀態，而且預期完成維修的日期往往延誤，一眾居民出入很不方便，更擔心升降機是否仍然安全，「每棟樓都係咁，成日整又成日壞，之前夜晚仲試過自己空𨋢不停上落，究竟仲搭唔搭得㗎？」

寶林邨社區主任馮君安指，屋邨升降機問題其實已討論多年，而機電署亦曾有回覆，證實升降機機件出現老化，不過業主立案法團因為更換升降機的造價太高，一直未有進展。他除希望機電署監督承辦商按時進行恆常檢查外，亦希望房署能盡其「大業主」角色，從中加以協調督促，「雖然話賣咗單位之後，房署就冇責任要管理，不過依家啲𨋢整完又好快壞，老化得再犀利唔排除會有危險，希望房署可以作為『傳話人』，等屋邨可以及早換𨋢！」

房署發言人表示，寶林邨為租者置其屋計劃下的出售屋邨，管理和維修工作都由法團和管理公司全面負責，而該署如收到投訴，會促請管理公司盡快跟進。