【有片．西環斬樹】事後遺水馬阻路2個月　街坊：肥啲都過唔到

位於西環般咸道、香港大學鄧志昂樓前兩棵樹齡逾80歲的石牆細葉榕，經歷風雨，到今年5月仍無法逃避被斬去的命運。斬樹至今已逾2個月，惟該處仍有不少水馬圍封樹頭和石牆範圍，令本來已不寬敞的街道窄上加窄，有街坊更指：「肥啲都過唔到」！

兩棵石牆樹於5月20日被地政總署以健康惡劣為由斬去，只遺下兩個樹頭孤零零地留在石牆和行人路之間。近日，有街坊發現樹頭被人以帆布封住，而行人路上亦出現了用以圍封樹頭的水馬，阻去行人路大半位置。街坊Joey指，水馬是於斬樹後4日出現，水馬上並無通告說明該處正進行甚麼工程，圍封的膠帶亦只有「工程進行中」的字樣。Joey直指，現時行人路「好逼」，經過時她亦多數選擇行對面的行人路。

被水馬阻擋的行人路現時只剩一條窄窄的通道，勉強可供一人通過。街坊Leo指，早前經過該處時正拉着手拉車，要順利通過通道也要稍花功夫：「經過嗰時我係要稍為側側身左腳在前咁先順利過到，如果我肥啲或者推架再大啲嘅車就一定要取道對面馬路。」雖然行過時不算辛苦，但邊行邊把玩手機的人或會遇上小麻煩：「低頭族喺呢個彎彎哋嘅狹路相逢都應該會撞得幾應。」

通道近西區軍營的位置最狹窄，而近香港大學的出口則較闊，惟位置亦只夠一人通過，猶如「單線行車」：「最窄嗰個位我側身企貼欄杆對方都未必過到，根本係單程路要避車先讓人過到嗰隻。」Leo補充。

就水馬阻街的問題，中西區區議員陳捷貴直指是斬樹的「後遺症」。由於石牆有多年歷史，故有倒塌危機，他指移除兩石牆樹後，倒塌風險已減少，惟石牆仍是危牆：「以我所知係有2個工程要做，一個係要攞返兩個樹頭出嚟，另一個就係要睇下之後點保育返幅牆。」

陳捷貴指，此工程應為香港大學負責，水馬也是由港大擺放。水馬阻街的問題亦引起不少街坊不滿，向他投訴有關情況，認為已是「忍無可忍」：「本身行人路已經窄，而家咁樣根本唔使行。」他又指大學進行該工程前，需向運輸署提出申請，但以他早前的了解，署方尚未收到有關工程申請，故未知水馬會擺放至何時。

香港大學發言人回覆《香港01》指，移除古樹後，已解石牆的即時威脅，惟其安全問題仍需小心處理，故按顧問公司建議，暫時圍封部分行人路。現時校方已於該處張貼告示，早前亦已就圍牆的修復工程向有關部門提出申請。

校方又指現正與有關部門商討兩個樹頭的處理方法，而行人路被圍封期間，可使用鄧志昂牌樓入口旁的小徑來往東閘及西邊街一帶。