【又關佔領事？】旺角天橋搞足7年都未完　路政署︰無監管角色

連接新世紀廣場、旺角道與洗衣街的行人天橋正進行伸延工程，惟工程近日傳出兩度延期的消息，有區議員斥路政署監管不力，延期原因亦不合理。

油尖旺區區議員黃舒明指，將天橋伸延至彌敦道的建議於多年前已被提出，而前期工作亦花上了大量時間：「因為有財團贊助工程，政府部門要睇好多法律文件，需要時間，所以延遲。」工程2011年動工，到2014年又因佔領運動，令工程完工日需再延遲。

「因為遲咗太多，我哋每次開會都會監察住佢嘅進程，睇下係唔係符合進度。」黃舒明表示，重啟工程後，本預計會於今年內完成這拖足8個年頭的基建，惟最近數次開會時，路政署提交的進度報告將完工日期兩度押後：「之前每次開會，部門都話個進度冇問題，但最近幾次會議，佢哋閃閃縮縮咁改咗做2019年第2季先完工，又講到自己好似只係負責維修嘅部門咁。」

她指，署方就工程延期解釋為「低估了該處的交通流量」，需就此再作計劃和安排，認為此解釋並不合理，亦擔心延期會為街坊帶來滋擾。

雖然工程由發展商出資進行，但路政署身負監督工程的重任，黃舒明認為署方責無旁貸，對於署方形容自己為「負責維修嘅部門」，她亦感失望：「雖然係財團出錢整，但唔係下下可以賴間公司，政府有責任監督工程。」

路政署回覆《香港01》指，工程為新鴻基地產負責，而工程進度報告亦只是署方代發展商提交予區議會，署方在工程中並無監督角色。工程完成後，天橋將交予署方作保養維修。