【再見電話亭】行人路窄　新蒲崗電話亭要拆定要留？

身處一人一手機的年代，電話亭過去服務大眾的功能漸失，慢慢成為歷史遺物。近年亦不時有討論，到底各區的電話亭應拆應留。新蒲崗爵祿街設有兩個電話亭，該處一帶近年多了不少食肆進駐，人流愈見暢旺，道路變得擠逼狹窄。區議員表示，以上兩個電話亭使用率甚低，除「避雨」外就常被用作存放貨物，認為需要考慮是否遷移或清拆，以騰出路上空間。

「呢度好近小巴上落位，加上係去街市嘅必經之路，平日多起人上嚟真係好逼！」黃大仙區區議員雷啟蓮指，隨着該處人流漸增，而電話亭使用率不高，不少街坊都有反映，是否可以遷移或清拆爵祿街兩個電話亭，以增加行人路空間，「電話亭爛咗又冇整，加上好少人用，有時變咗畀啲舖頭擺貨，浪費咗啲位！」

雷指出，早年區議會亦曾討論，是否可將電話亭搬往對面近學校位置，惟當時指受地下電線所限，最後不了了之。她續指，上述兩個電話亭現時只作「避雨」用途，希望相關部門能檢討它們的使用率，看是否仍有保留需要。