【強制驗窗】收驗窗令唔知要做乜　南區街坊被氹花2萬蚊換窗

強制驗窗計劃自2012年實施後，不少市民都陸續收到驗窗令，要限期內找合資格人士驗窗。驗窗說起來容易，但不是人人都知道實際上要做甚麼，一不留神，更隨時被「氹」花上萬元換窗！

社區幹事黃銳熺指，香港仔漁暉苑所有居民於上月都收到由屋宇署發出的驗窗令，需於限期內委任合資格人士，檢驗窗戶的結構和訂明修葺，惟大部分居民都不清楚，收到驗窗令後「要做乜」：「收到強制驗窗令之後，一堆驗窗公司就喺屋苑出入口同入屋派傳單。不過本身居民對驗窗令唔熟，唔知佢有咩要求，所以可能跌咗入啲小陷阱。」

他口中的小陷阱，是指價錢和市價不符、驗窗手法有問題，甚至會有驗窗師傅游說街坊，進行計劃以外的不必要工程。他舉例指，由於有近40年歷史的漁暉苑為舊式居屋，部分單位仍使用鐵窗，但有街坊就被驗窗師傅說服，將之換成鋁窗：「但其實個驗窗令冇要求過佢換，我聽到有個個案，最後整咗2萬蚊。」他續道：「一般唔使咁多，以我哋了解，都係大約一千至幾千蚊不等。」

不必要的服務可不止換窗，有街坊向黃銳熺反映，驗窗時被游說不換窗就髹油：「有啲人同居民講，唔換得就髹下油，但個問題係，窗嘅結構同髹油有關係呢？」他指更有人預約服務後，上門的是沒持有驗窗卡的師傅。這位「醒目」的街坊雖未有受騙，但他擔心不清楚計劃的居民和長者會「中伏」。

由於有大批住戶對驗窗令有疑問，仍未委託公司驗窗，故黃銳熺指，本周五將舉行居民大會，請來資深驗窗業界人士解答街坊的問題。