【行路返海濱】路線少仲削班　荃灣海濱花園凌晨變孤城

荃灣海濱花園交通一向為街坊垢病，不少居民認為現時來往海濱花園附近的巴士服務不足，繁忙時間過後，要等長時間才有巴士開出，居民錯過尾班車，隨時要從市中心「行路返海濱」！

「必須了解海濱區係自成一角，除咗返工、放工時間外，海濱基本上只有3條小巴線及4條巴士線。」荃灣海濱花園居民促進會成員莫遠君說，4條巴士線中，只有238X通往九龍主要地區，但月前九巴卻被揭發將此路線加入建議削減班次路線中，引來居民不滿。

繁忙時間過後，莫遠君指一般要等20分鐘才會有車開出，而若巴士脫班，街坊隨時要等上半小時以上。不想等待的話，居民就只有行10多分鐘到荃灣西鐵站乘車，或乘坐小巴到市中心轉車。如晚上錯過了尾班車，街坊要回家就麻煩：「過咗11點半，若99號小巴、238M相繼開出尾班車，海濱係無通宵巴士或van仔經過，市民搭通宵車到荃灣市中心，只能行返海濱。」

「因為海濱唔同其他區，有好多唔同嘅路線代替，我哋真係得嗰幾條（巴士線）。」對於巴士脫班以及削減班次，以至街坊要轉乘其他交通工具外出，他認為會成為九巴進一步削班的藉口，是惡性循環：「嚟緊荃灣公園體育館預計年尾啟用，荃灣西一帶新屋苑陸續落成入伙，現行交通安排絕對滿足唔到未來需求，政府及營運商必須plan（計劃）定！」

莫遠君指，海濱區的居民除了希望238X、38A巴士可加密班次、以及開設出市區其他地方的巴士及小巴路線，亦希望巴士公司若遇上人手不足而造成脫班的情況，不會優先犧牲海濱居民的利益，取消來往海濱的巴士。

《香港01》已就事件向運輸署查詢，但暫未收到回覆。