【伸手不見五指】鴨脷洲新海旁道暗黑如結界　迎面有人都見唔到

晚上到海旁吹風散步，聽起來舒適寫意，不過鴨脷洲有一段開放不久的海旁小路，並非人人都「有膽」走入。只因該處漆黑一片，並沒任何照明裝置，鬧市之中竟可如走入結界般「伸手不見五指」。地區人士指，該處自開通以來，成為不少居民的休息用地，但他已多次接獲街坊投訴，指該處久未加裝街燈，擔心黑暗之中可致意外發生！

沿着鴨脷洲海旁一直向前，來到一個鐵欄前，後面就是「暗黑結界」。鴨脷洲社區主任陳炳洋日前拍攝短片，實測該處到底有幾黑，「依家係九點幾……其實喺我前面係有班人行緊過嚟，但啲人嚟到面前，仍然黑到見唔到樣！」陳向《香港01》記者表示，該路段連接了鴨脷洲海濱長廊及深灣軒，啟用了約有一年，雖然並未劃為公園，但開通以來已成為了約定俗成的休憩用地，平日居民都會來到放狗和跑步。

「個範圍依家屬於『共同管理』，康文署、路政署都話佢哋冇權責加街燈。」他表示，安裝街燈的計劃遙遙無期，而雖然現時警方有派員巡邏該處，暫未發生過任何罪案，但都擔心會發生「睇唔到路」等令街坊受傷的小型意外，因此希望政府部門能彈性處理，盡快加裝照明裝置，令居民可以在安全、舒適的環境下享受海旁空間。