【長沙灣老字號】14蚊足料端午粽　老闆：街坊生意邊使賺到盡！

又到端午節，家家戶戶都會準備五月粽。市面所見，粽子動輒都要售4、50元，14元的粽子，何處可以買到？長沙灣一間舊式唐餅店，39年來堅持端午做粽、中秋做餅。店內售賣逾10款粽子，全數由人手包制，備受街坊喜愛。年過6旬的老闆坦言，粽子定價低因此「賺得唔多」，不過他並不介意，只因與老區老街坊有一份情。

位於長沙灣的美其香餅家，門前有店舖自制的彩旗隨風飄揚。（呂諾君攝）

走入興華街一帶，沿途可見不少重建區，當中包括已完成部分重建的蘇屋邨。新舊交替之際，「美其香餅家」這年如常在店門掛上土炮設計、寫上粽子名稱的彩旗裝飾，隨風飄揚。老闆岑二哥指，1979年6月開店以來，在長沙灣紮根近40年，每近節日便會有大量熟客前來，員工和他都要忙過不停。

記者採訪期間，即使是平日上午，街上人流不多，但半小時內已有逾10人幫襯。「點解做粽？因為我細細個媽咪就包粽畀我食，細細個已經學識包粽！」他指，母親是客家人，從小教他做粽，令他變成「粽痴」，「我經常都食粽㗎，唔食飯都得，有時食2只粽就當一餐，哈哈！」

因為愛粽，所以做粽也執着。數十年來，店舖堅持粽子全部自家制，過去前舖後工場，現時則將工場轉到附近的工廈內。岑二哥表示，包粽時，浸糯米的時間要精確，浸得太久，就會失去香味，用料方面也要講究，只用泰國糯米和綠豆，「我哋啲粽比較實淨，包得佢好實，冇咁易入水，所以就好味啲……你睇我哋呢度 ，有十幾款粽，一般啲人包粽點會做得咁齊？」

「好多街坊熟曬，有啲喺度住開，搬咗去第度都返嚟幫襯。」近年長沙灣一帶變遷甚多，岑二哥也見證不少街坊搬往別處，慶幸的是每年過節，他們仍會準時回來幫襯。就是為了這門「街坊生意」，就算物價年年上升，店內的粽價也只加一元八角，「又唔系遊客區，靠啲街坊幫襯之嘛，有多少賺就算數。邊可以賺到盡丫，你話系咪？」岑二哥笑說。