【土地大辯論】問卷聚焦土地供應　李永達：但市民關心係咪起公屋

正值「土地大辯論」，土地供應專責小組展開第二階段公眾參與活動，土地供應專責小組副主席黃澤恩今(28日)於商台節目表示，設於商場的巡迴展覽開幕兩日已派發1600份問卷，共收回600張，市民到場時未有特別向大會查詢個別選項，包括高爾夫球場。
智庫組織土地監察主席李永達則認為，有關問卷設計可以接受，但民間普遍較關注成功覓地後所建房屋類型，「會起咩樓？起多啲公屋畀我上樓啦。」

黃澤恩指，小組於3個地方設展覽，開幕兩日已派發1600份問卷，共收回600張，被問到公眾取閱問卷有否限制，會否可造數？他則指，問卷設有編號「如果交影印本，我哋會睇到」，倘收回問卷集中同一個居住地區，亦會留意，不過最終分析則交由港大學者負責，「佢有佢嘅分析方法」。

被問到民間反應如何？他則指，據他親身到場所見，未見有市民查詢高爾夫球場選項「去咗邊」；而市民積極性方面，「可以再熟悉多啲，除非專家，未必深入明白」，「無咩人問咩叫棕地，坐低就剔，拎個電話計數」。他又指，小組日後不是單純參考問卷結果，亦會聽取地區意見。

智庫組織土地監察主席李永達則表示，問卷設定可以接受 ，不過稍有不足的是，問卷上其中一項選項「利用私人遊樂場地契約地作其他用途」，「我估呢個係講高爾夫球場，如果係寫粉嶺高爾夫球場會多人揀」；不過，他指，公道而言，民間聲音倡議發展的棕地，亦被置於首項，他認為最重要是勿有前設。