【母親節】沙士時期孖仔早產　3個SEN兒子的媽媽：人總有長處

養兒一百歲，長憂九十九，相信懷胎十月媽媽們感受更深；在社會日益關注SEN學童學習情況、權益、所遇困難的同時，養育他們成長母親的感受是不足為外人所道，近日更有媽媽以「一個走投無路的自閉症患者媽媽」向特首林鄭月娥發公開信「訴苦」。後日（13日）就是母親節，《香港01》將連續報道不同SEN媽媽面對的辛酸。
眼前的佩儀，是林家長女，亦是文太，更是三名SEN（特殊學習需要）兒子的媽媽。2003年沙士肆虐期間大肚臨盆，是她當年新手上場的首個難關，一對孖仔早產，險些命喪黃泉「二缺一」的經歷，再次釀起風浪，接二連三發現兒子與其他小孩「不一樣」，是她未來永續不斷的挑戰。
讀寫障礙及發展遲緩是兒子的特殊標記，於本港教育制度中格格不入，背負着比常人多三倍的養育壓力，文太卻從不叫苦，亦不怨天由人，後日是母親節，她笑言三個兒子已是上天賜予的最佳禮物，「我願意花精神、花心血去陪佢哋，睇住佢哋健康快樂成長，我已經心滿意足。」

胎兒臍帶「跌出嚟」險失一子

大、細孖樂天、頌天，如今健康成長，在文太眼中，亦是得來不易。生於兵荒馬亂的沙士疫潮時期，醫護人手及病床告急，文太當年身懷六甲，卻因未屆預產期被拒收入院，「𠴱日腰好痛，老公又返夜，好唔安心，所以再打去醫院問。」

幾經辛苦終求得病床，豈料晚上旋即出現異樣，遂急召護士、醫生檢查，結果情況危急，需即時推至手術室，「原來係我個仔嘅臍帶跌緊出嚟，護士話如果我當時係屋企，又或者企喺度，其實已經有一個救唔返。」

兒子從鬼門關逃過一劫，令文太感嘆生命無常，「如果唔係一連串巧合，所有嘢都會唔同晒。」沙士期間，人人嚴陣以待，產房禁入、甚至連探病時間亦僅得匆匆5分鐘，文太更於產後發燒，兩個兒子亦因早產關係，需留醫深切治療，結果出院時一家再聚，那份難以割捨的親情不言而喻。

原來係我個仔嘅臍帶跌緊出嚟，護士話如果我當時係屋企，又或者企喺度，其實已經有一個救唔返。

其他家長80、90分都唔滿意，但自己每次見到佢哋有少少進步，我已經好開心。

孖仔小四被要求留班　細孖逢考測必發燒

成績單見真章，卻沒記錄文太與孩子們背後所付心血，「其他小朋友可能用3個鐘就溫得晒，佢哋每次要花多幾倍時間」，苦苦練成「拆字」、「認字」基礎，卻又再迎來另一難關，大細孖於小學4年級時，被校方勸喻留級重讀，重擊自信，而向來較哥哥內儉的細孖頌天，更出現焦慮情況，每逢測驗、考試例必發燒，「我同佢哋講唔緊要，讀書讀成點都好，都總有其他長處。」

孖仔籃球小將奪學界金牌

在本港的填鴨式教育制度，文太深明兒子在體制內必定遭遇無限挫敗，她遂以讚賞化解兒子自卑，不過亦有苦惱時。「鼓勵得多，依家佢哋都唔係幾受呢一套。」她無奈地笑說。

執筆寫字不好，但天生我才必有用，一對孖仔卻是籃球小將，他們今年15歲，於主流直資中學讀書，更是校隊成員，取過學界金牌，是文太最欣慰的事，「佢哋第日考文憑試拎唔到幾多粒星都唔緊要，只係想佢哋知，呢個社會仲有好多條路。」

想話畀佢哋知，屋企永遠係佢哋避風塘。

幼子天生發展遲緩​

幼子承天今年5歲，為文太一家再添歡笑聲。他沒兩個哥哥的讀寫障礙問題，卻於身體動作發展上落後人前。9至10個月大時未懂轉身，「去到1歲都未識企穩，唔識行路」，結果被醫生確診為天生發展遲緩，別的家長可能早已捱不住，文太卻挺看得開，沒怨天尤人，不過眼見兒子運用肌肉舉步維艱，她有所感悟，「原來小朋友跳跳紮，都唔係必然！」。

承天目前正於協康會特殊幼兒中心上學，校內特設體能治療訓練，文太亦經常抽空陪伴。記者問文太同時要照顧三名SEN兒子，可辛苦嗎？樂天的文太搖搖頭：「佢哋三個仲辛苦過我啦。」

今年母親節，文太一家將按傳統參加家族聚餐，「最大願望都係希望一家人整整齊齊，同埋都想話畀佢哋聽，無困難係解決唔到，我哋會陪佢走過。」