【房協70年】消失的首個公屋上李屋　居民憶獨立廚廁房度無憂童年

60多年前，由房屋協會興建的全港首個公共出租屋邨上李屋，於深水埗落成，開啟往後的公營房屋歷史。雖然上李屋原址已重建成樂年花園，但屋邨人的一份濃情，未有因時間流逝而褪色！
曾在上李屋居住10多年的梁維婉(Sandy)，由昔日「通山跑」的小女孩，變成銀髮一族。她說，一家人當年由中環的板間房搬至上李屋，享受獨立廚廁，除了改善生活環境，亦與同屋邨的小朋友四出「串門」，度過無憂童年。

走過深水埗東沙島街與保安道，會見到幾幢樓高僅13層的大廈，其名為樂年花園，前身正是香港首個出租公共屋邨的上李屋。於1952年落成的上李屋，當年提供360個單位，合共5幢樓宇，為低收入家庭提供廉租房屋，而Sandy一家人正是其中的幸運兒，獲抽中安排入住。

搬居後鄰里關係改善

Sandy說，年幼時已隨父母入住上李屋，百多呎的單位內，有自己的廚房、廁所及一個露台，「覺得好舒服，雖然唔係大又住咗好多人，但係比以前住中環唐樓嘅板間房，真係好好多。」

她又稱，未搬家前妹妹剛好出世，每晚的哭啼聲常惹來鄰居投訴，鄰里關係欠佳，但搬入上李屋後，一切都有所改變：「我哋同鄰居關係好好，大家日間唔會閂門，成條走廊都係小朋友一齊玩，啲師奶得閒又會一齊打牌。」

翻開泛黃的老照片，雖然事隔半世紀，但小時候在家中樓下沙地玩耍的情景，對Sandy而言，彷如昨天。「啲男仔多數都喺度踢波，我哋女仔周圍跑，大家都係乜都玩一餐。」她仍然記得，當時由於只得極少市民擁有電視機，所以一班小朋友常常結隊到有電視機的鄰居家門外「窺看」，「當時係睇麗的電視，但成班細路踎喺門口，最後屋主唔耐煩放晒我哋入去，做完節目我哋先散場。」

基層家庭不用怕加租

在上李屋居住十多年後，Sandy舉家便搬至北角健康邨，因為家庭成員數目一直增長，「我有五兄弟姐妹，我係最大嗰個。」她說，當家庭成員越來越多時，「打地鋪」都不夠地方，故房協職員得悉後，便安排她們全家人調遷，「搬去港島都方便嘅，我嗰時中學喺港島區，以前無過海隧道要搭船同轉巴士先返到學。」

離開上李屋搬去更大更新的出租房屋，Sandy坦言沒有不捨得的情緒，但就十分認同當初由板間房「搬上樓」，的確令一家人的生活發生翻天覆地的改變：「基層家庭唔使怕加租，就算加都唔會太多，對我哋一家係一個好大嘅幫助。」

雖然離開上李屋多年，但Sandy至今仍記得當年「收租姑娘」每月底逐家逐戶收租的情景，「大家每逢嗰一日，都會坐定定等佢上嚟收租，都無見過有人話唔交租嘅，大家驚無得住多過無錢交租。」訪問當天，Sandy與記者走到樂年花園，昔日的上李屋早於90年已清拆重建，過去留下不少汗水與歡笑聲的沙地與草地，現時已變成一片石屎森林，「所有嘢真係唔同晒。」