【新居屋2018】 房委會今派表 慈母為兒排隊嘆年輕人擔子重
房委會新一期居屋，提供約4,400個單位，預料再度掀起搶購潮。房委會今日起（22日）於樂富客戶服務中心派發申請表格，吸引大批市民早上到場，索取表格及觀看單位模型。
有劏房戶輪候公屋無期，希望可抽居屋買個希望；亦有家長為子水排隊取表，慨嘆樓價高企，心痛子女工作辛勞儲錢只為上車結婚，「佢哋嘅擔子好重。」
月租7000劏房戶冀買安居之所
房委會今起派申請表格， 不少市民清早便到樂富客戶服務中心，排隊索取表格，由於現場設有屋苑及示範單位模型，吸引大批市民駐足及觀看 。
彭太一家四口居住在深水埗約200呎的劏房，月租大約7000元，嘆租樓貴、輪候公屋逾4年亦未能「上樓」，轉而申購居屋，望能購得一個安居之所，「4000幾伙單位，機會好似大啲，遲啲派公屋可能唔同區，大女又要轉校。」
愛子心切的陳太專程幫兒子索取申請表，心痛年輕一代面對樓價高昂，無法負擔私樓，「睇下搵到幾多錢先得㗎，條擔子好辛苦，𠵱家呢代人又話有樓先結婚，無錢唔結....」她透露因兒子欲結婚，雖然無法為兒子代付首期，只能親自出動專程來拿表格，希望兒子終能抽中上車。
今次居屋預留400伙予單身人士，年約27歲的莫小姐則希望申購居屋，「梗係想啟德、長沙灣，但單身都係要住東涌㗎嘞。」她表示隨年紀增長，也希望有一個獨立的居住空間，與其租樓不如考慮居屋。至於首期方面，她就稱會自己亦有儲蓄，若然一成首期仍可負擔，但如有幸抽中較大單位，或需家人協助。
市民批間隔奇怪 露台設計「貪好睇」
許生一家四口原住在黃大仙的公屋，希望可樓換樓而申請今次居屋，他就指今次推售的居屋間隔較奇怪，如開門對正廁所，令單位可用的空間減少，相比起現住公屋四方的間隔差，「都無辦法，始終抽到就係你自己嘅（樓）。」
而東涌裕泰苑設有露台，但市民卻認為設計「嘥位」，陳生認為此類設計不實用，「浪費晒啲位，係設計上靚啲。」
市民亦可在網上下載表格，下周四（29日）開始接受申請，截止日期為4月11日，為期兩星期，房委會預料於6月中安排抽籤，並於8月開始揀樓。
房委會推出的3個居屋項目，合共提供4,400個單位，是復售居屋後最多單位的一次，今次繼續沿用市值七折訂價。
啟德啟朗苑單位實用面積介乎286.3至471.5平方呎，平均售價介乎227萬至488萬；長沙灣凱樂苑單位實用面積介乎383.2至630.8平方呎，平均售價介乎292至630萬；裕泰苑單位實用面積介乎277.7至571.6平方呎，平均售價則介乎159萬至428萬。