【大學生揸紅Van】港鐵全綫停 新紮小巴佬揸「特別更」載街坊
車門緩緩打開，一把清脆聲音向乘客問好，笑容可掬地詢問乘客情況。人稱「李師傅」的33歲李凱翔，擁有學士及碩士學位，今年他毅然放棄高薪厚職、回港投身紅Van界。創業初期遇上連場示威，眼見的士司機開天殺價，他選擇開特別更載街坊回家，包括一名流落街頭數小時的少女，「邊到冇巴士或地鐵，我就會去提供服務！」李凱翔為方便乘客付款，更提供全港首次PayMe收取車資，他更研發預約服務系統，盼為步入夕陽的紅Van業注入新元素。
「我覺得紅Van行業好有香港特色，紅Van好多嘅基因同香港獅子山精神好相似，它係好靈活同幫到人，幾時需要我，我就喺邊到出現。」
擁碩士學位 曾受聘到汶萊規劃交通
「紅色小巴屬最傳統的交通行業，我想帶出改變！」李凱翔畢業於香港大學土木工程系、交通政策規劃碩士學位，曾受聘到汶萊規劃及研究國家交通。今年他毅然放棄高薪厚職，租入一輛紅Van營運小巴路線，「我已經30幾歲，覺得係時候闖一闖，希望未有太大負擔時，出來創一番事業！」
創業期遇示威 李凱翔：生於這個世代，有種責任
「生於這個世代，有種責任，幫到幾多得幾多。」李凱翔創業初期，遇上連場社會運動。十月一日全港多處發生衝突，示威者堵路交通受阻，有的士由美孚前往荃灣，按人頭收取二百元，更需客滿才開出。「當時我覺得社會需要你嘅時候，你唔幫佢仲開天殺價，真係有啲嬲！」李指出，從商戶角度出發「開天殺價」無疑能賺最多錢，但良心比金錢更為重要。
港鐵全綫暫停 開「特別更」接載街坊
其後，港鐵全綫一度暫停服務，有巴士站有近百人排隊，車輛供不應求。李凱翔指，擔心街坊未能外出，於是加開特別更，「覺得自己有種社會責任，邊到真係冇巴士或地鐵，我就會去提供服務。」當晚8時許接載一名少女，她指下午4時由銅鑼灣回美孚，但坐巴士輾轉抵達荃灣，她登上李凱翔小巴，「當日我同佢講，你唔使再轉車，就算條路咩狀況，我都車你返屋企喇！」
放棄高薪厚職 回港轉行
李凱翔指去年萌起創業概念，由構想至實行花了很長時間，在朋友協助下，今年8月試行小巴路線，由荃灣麗城開往荔枝角區，「只係創業之路第一步，心目中想營運幾條行車路線。」李續指目前規模微小，仍在收取營運數據，包括行車時間及燃油等，稍後才正式開線行駛。
將科技帶入紅Van界 全港首用PayMe收車費
「我想反其道而行，將新科技帶入行業！」李凱翔表示，目前不少紅色小巴只收現金，甚至沒有八達通拍卡機，不少乘客坐車均需準備「神沙」等硬幣。為了方便乘客，李使用PayMe收取小巴車費，亦是全港首輛小巴用PayMe收車費，「大家反應幾好，開門就上車坐低，掃QR Code（二維碼）畀錢，唔使拍咭！」乘客下車展示付款紀錄便可。
籌備WhatsApp預約服務
「唔少人抗拒傳統紅色小巴，原因係需要嗌落車，或者驚同其他乘客撞聲！」李凱翔指，部分紅色小巴線有電話預約服務，以乘客身穿衣物顏色及性別作辨認。其紅Van採用WhatsApp進行預約，路線以星期一至五上班時間為主，繁忙時間需要預約坐車。「現時會用PayMe收取車費，稍後會推出乘客預約系統。」李凱翔表示，目前正籌備預約系統，希望長遠能推出自動系統，讓司機知道哪裡有乘客，需要上車或是下車，連乘客叫「前面轉彎有落」或是「美孚有落」都不再需要。