【社區小小事】輪椅War Game唔容易　義工：挑戰不可能任務

「初初聽到嘅時候，會覺得好似唔可能嘅任務咁。」香港寬頻義工Sandy說。當初知道要為輪椅使用者設計一場War Game，他們一眾義工確有此感覺，惟最後闖過一個個難關，活動的最後部分，義工更坐上了輪椅，參加這場「戰鬥」。
拍攝及剪接：馮嘉雯

「我初初落場嘅時候，以為可以一路行，一路開槍，但原來係唔可以，因為我哋要用手去推動輪椅，轉彎都好困難。」香港寬頻義工Sandy分享坐輪椅「殺敵」的難處。她在輪椅上看到的，是平日無法了解的光境，當中包括不同輪椅的高度不一，只預備一個靶的話，難以令每個輪椅使用者瞄準牆上的靶：「親身坐輪椅時，我哋先體驗到佢哋嘅困難、苦況。」

War Game意義大

Sandy說，當初他們一眾義工也認為此活動是不可能任務，惟後來想深一層，很多事看上去不可能，只因大家未踏出第一步，故義工們很快就接受這項挑戰。了解到輪椅人士找娛樂是一件難事後，他們相信若這場輪椅War Game成事，其影響會比其他服務深遠：「如果我哋健全嘅朋友同輪椅朋友一齊玩War Game，以後佢哋都可以同健全朋友一齊玩呢個活動，影響力遠遠比同佢出去玩一個下晝大。」

輪椅上的思考

從今次的活動中，Sally亦深深體會到輪椅人士在日常生活中，所面對的難題。「好似我哋由地鐵站嚟呢度(工廠大廈)，原本3分鐘可以嚟到，但原來只要道路上面有一級，輪椅就已經過唔到，我哋又要再兜另一條路。」她笑指在活動籌備的過程中，可說是「一次過體驗晒」，也令她有所反思：「我哋做義工活動，了解到唔同群體嘅需要，再喺自己生活上作出小小改變，其實好容易可以造就一個更好嘅香港畀大家。」