【街坊Look】瀝源邨殷伯：浴室放唔落暖氣

We are the people.
每一個街坊都是建構社區的一份力量，但從來沒有一個欄目，是屬於他們；
他們的面孔從來都是模糊的。
用一張寶麗萊，看清一張面孔，記街坊的衣食住行、街坊的人生；
看清香港人的當下，從住屋回憶開始。

殷伯是「老新移民」。

「九五年申請到居港權，落嚟一家團聚，嗰時都成六十八歲囉。」

殷伯在沙田一住就是二十年，從未搬離瀝源邨。

「瀝源幾好呀，方便，近車站又近醫院，又有學校幼兒院，無諗住搬呀。朝早仲可以嚟公園曬曬太陽，同鄰居打下牙骹。」

殷伯一直過著二人同住二百呎的生活。

「之前同老婆住，十年前老婆去咗，個女搬返嚟照顧我，都係二百呎。好逼，好似最近沖涼見凍，買左個『衛浴寶』返嚟諗住開暖氣，點知大得滯放唔落浴室用唔到。」

殷伯覺得，買樓是天方夜譚。

「無錢，唔敢諗（買樓），幾十歲。以前我會覺買到樓先叫成功，但呢個環境唔一定做到，自己按照實際情況啦。雖然有仔女，但唔會旨意佢哋畀錢我供樓買樓，佢哋有佢哋嘅世界。」

殷伯是一個「知足常樂」的人，雖然是被逼的。「隨遇而安，順其自然就算。唔敢有咩要求，人生係咁架啦。」