【颱風山竹】良心的士司機拒絕趁風加價：打風加價是賊的行為

「山竹」襲港後，全城滿目蒼痍，交通近乎癱瘓，政府沒有宣佈停工，特首林鄭月娥認為互諒互讓更適合香港情況，希望僱主體恤和彈性處理員工上班情況。而結果是大部分打工仔都趕著搭地鐵上班，趕不上的，唯有到的士站排隊候車。每逢打風季節，總會有乘客批評的士司機「趁風打劫」，坐地起價。阿占當了的士司機一年，他堅決不做「黑的」，有同行笑他傻，在「搵食時間」不加價，他卻淡然地說：「夠食咪算囉！」

這天記者打算從荃灣乘的士到大埔，心暗忖的士站一定有長長人龍，於是打開電話裏的電召的士應用程式，才剛按下召喚鍵，不足兩秒就收到阿占的來電，他劈頭就問：「小姐，你係搭正價定係85（折的）？」

上車後，阿占才解釋問這條問題的原因：「今日打風，我問咗你係咪正價，你話係，咁我先接你，如果你都係答我85折，咁我都..sorry啦。」

拒絕乘風之危  「我只做合法的事」

颱風天阿占有自己一套原則，絕不主動向乘客收取附加費。「坦白講，每個群體都有害群之馬，亦都有好人，我唔會坐地起價，但係咪每個人都做到？我覺得未必。」雖然不會主動加價，但如果有乘客主動打賞，他卻笑稱來者不拒：「的士行業好多時候都好淡靜，工時長，收入好冇保障，咁我都要搵食㗎！」

的士收400元一位入上水 

在「山竹」襲港後，路面未完全清理好，地鐵、巴士一度停駛，全港交通陷入癱瘓狀態。有網民報料，有直達旺角的紅色小巴向每位乘客索價400元，被網民批評小巴司機「發災難財」。的士業也不例外，阿占今朝就曾收到消息，指有同行駛入上水向乘客索價400元一位，坐滿4個座位，1600元袋袋平安。阿占聞言不禁搖頭說：「呢啲係犯法，係乘人之危！」

根據香港法例第374D章《道路交通（公共服務車輛）規例》，濫收車資及沒有將的士計程錶展示到記錄位置等行為是嚴重罪行，一經定罪，最高可被判入獄6個月及罰款1萬元和入獄6個月及罰款5000元。

不加價被嘲「唔識撈」 

颱風過後，的士成為搶手車，不少司機紛紛坐地起價，阿占認識有行家提議加價，他笑指：「佢哋係賊嚟㗎！」提起阿占不趁風加價，記者連番道謝，說他是的士界難得的「清泉」。他卻自嘲道：「有咩好呀？我呢啲係傻！有同業笑我唔適合做的士，話我喺咁嘅時候做啲咁嘅嘢。」

他以前是一名紡織廠銷售員，近年才轉為的士司機。自己不濫收，對其他同行又有何看法？他沒有大肆批評，反而竟然吐出兩個字：體諒。他認識有同業在昨天十號風球當日仍然開車外出兜客，「佢哋真係搵條命出嚟搏！有時好多乘客話的士好衰，加好多錢係劏人，咁的士司機話啲客好衰，要搭8折的士，咁又得唔得呢？」阿占反問。

「的士司機搵命博」
 
「打風揸車係超級危險呀！如果上面有嘢飛落嚟，大家就玩完啦！」他聽說今次颱風把的士車窗吹碎，幾十個司機跑到車房更換車窗玻璃，車房更排滿長龍。正午12時，阿占由凌晨5時開工至今，才載了四個客人，因為堵車，平均一程路都要花上一小時。送完記者回大埔，他才笑道，開初接這張單也是他計劃的一部分，因為大埔有很多客人要出九龍及港島，正準備午餐過後，再接客去。

點擊下圖，觀看阿占今日遇到的路面情況：