【100種女生】洞穴探險尋回自我　無懼死亡：搵到真愛感覺似拍拖

泰國少年足球隊13人被困洞穴事件引起全球關注。在此之前，你可能從沒想過，洞穴探險是怎樣的一回事，有怎樣的危險性；更你更可能沒想過，就在香港彈丸之地，也藏著勇闖過世界上的多個洞穴、九死一生又回來營營役役工作的女生。她將洞穴探險當作是興趣、是生活，是真愛。
攝影：高仲明

「探險時，我哋唔會笑，因為要好認真留意身邊嘅一切，一旦失手分分鐘賠上性命。」鴨仔一臉認真地形容。

一個女生到底可以為探險，去到幾盡？可以為了能在進行洞穴探險時更方便戴上頭盔等裝備，將頭髮愈剪愈短、見過屍核骨、掠過死亡，仍能說著：「就算所有人放棄，得返我一個人，我都會一直玩落去！」

要搵到自己真係愛嘅嘢就好似拍拖，當然要試過先知啱唔啱自己！

公務員工作苦悶，探洞重捨人生意義

中文系畢業的香港洞穴探險隊隊長鴨仔，當過中學教師，因不適合而轉做公務員，卻總認為自己屈縮在狹窄的空間中生活。「為令生活變得有樂趣，想搵返自己，好多嘢都好想做，但唔知邊樣嘢係適合自己，所以我試玩過好多唔同嘅活動，靜態有樂器；動態有攀岩、行山、潛水、繩索等，點解要玩咁多？要搵到自己真係愛嘅嘢就好似拍拖，當然要試過先知啱唔啱自己！」而洞穴探險，她一試愛上，一玩就是6年。

踏上洞穴旅程，全是機緣巧合？

源於2014年的一天，她閒逛繩索裝備公司時，看到牆上一張探洞者沿繩索下降的海報，令她看得目定口呆，羨慕的眼神促使店員向她介紹一個重慶洞穴探險副隊長－小蔥。

探洞運動除了需運用繩索升降、攀岩、潛水、測量、攝影等技能，還要面對地質、天氣、設計行走與上升下降路線等問題，隊員間需要互相協助和相信對方。經過數次的網上交談下，鴨仔膽粗粗踏上第一次的洞穴探險：「上飛機後，我先識驚，我從未到過重慶，仲要即將要將自己的生命交俾一個素未謀面嘅網友？」

簡單就是快樂：冇手機、冇電腦的洞穴世界

正如Steve Jobs所說，你永遠都不知過往所學，對將來有何用處。鴨仔正因興趣夠廣泛，她都基熟悉那些技能、不時閱讀有關書藉以及準備好全部裝備，到達後再接受訓練，儘管過程辛苦嚴格，仍然順利通過。而當她第一次成功到達重慶武隆山的洞穴內，才明白一切都值得：「去到洞穴好寧靜好享受，接收唔到任何電話，冇咗日常依靠，先明白原來簡簡單單咩都冇，先係我最想過既生活。」

一旦愛上了，就連路上一塊爛碎石，你都會覺得佢好靚，大自然就係咁奧妙，就好似你鍾意一個人咁，佢幾衰都係好㗎啦！

發掘大自然的美　鍾意到連爛石都愛？

第一次探洞後，鴨仔已患上「毒癮」，但由於每次探洞都需要帶齊裝備、揹上一至兩個約30公斤重的背囊、攀山涉水，需要極大體能，身為女生的鴨仔自知在體能上有不足之處，故不斷與教練進行訓練，彌補不足，同時增加實戰機會：「一旦愛上了，就連路上一塊爛碎石，你都會覺得佢好靚，大自然就係咁奧妙，就好似你鍾意一個人咁，佢幾衰都係好㗎啦！」短短兩年，已踏足過50個大小洞穴進行探險，但人總害怕孤獨，即使在重慶有教練的陪伴，但在香港前往重慶的路途上都會怕悶、怕寂寞，那怕只是短短約兩小時多的機程。

香港自組探險隊：見過屍骸，也與死神擦身而過

2016年，鴨仔跟同樣熱愛戶外活動的朋友，組成一隊7人洞穴探險隊，有男有女，定期到重慶找教練進行訓練，進一步學習繩索、使用裝備與地理上的知識，在香港亦會每月最少抽出一天的時間到戶外山頭作模擬訓練。

小隊到訪過英國、日本、中國不同的山洞，試過找不到洞穴撲空而回，也試過在洞中發現屍骸骨。縱然做足安全裝備，但仍會有意外的機會發生，尢其是探洞的地方通常是未被開發。「記得係重慶武隆山，當地岩質好脆弱，當我用繩索上升攀岩時，突然成塊岩石崩塌，我成個人跌咗落20米既岩壁，好彩有齊裝備，加上揹起兩個大背囊，真係差啲死呀！」那刻，筆者好奇問及是否真的會有「走馬燈」出現？鴨仔侃侃大談：「無㗎！只係會感覺時間過得好慢，見住自己慢動作跌落去，所有隊友都在上面，唯有靠自己盡快企穩攀升上去。」

死都差啲死過啦，無野係難過面臨死亡，生活上既挫折係可以化整為零。

在大自然觀照微小的「我」

日常生活中，或許每個人都試過迷失，永遠都要在最軟弱無助的時候，才知道自己究竟有多熱愛那個人、那件事。

洞穴探險需要群體合作，亦需要按先後次序上升下降，當一個人面對洞穴內的黑暗，會因地理環境而正常地產生幻覺與恐懼。問到鴨仔如此辛苦是為了什麼？她說：「係黑洞先發現原來大自然、世界真係好大，自己好微細，改變我對人生、困難嘅睇法，搵唔到洞穴？黑暗嘅恐懼？每個困難都總會有解決方法，死都差啲死過啦，無嘢係難過面臨死亡，生活上嘅挫折係可以化整為零㗎！」

對於從未接觸過洞穴探險的人，可能會因為辛苦過後，懾人景色不能保證盡收眼簾而卻步，但對於鴨仔來說，洞穴探險的訓練對心態與生活態度之影響，遠勝優美景緻。無論付出過後有否收穫，當中的過程才是最重要。

「若然我冇玩洞穴探險，就只能屈縮在固定嘅自我世界，仲搵緊自己想點！」鴨仔如此說著。生活在現時複雜的社會上，結果固然重要，但沿途的經歷同樣重要。縱然你未必會像鴨仔一樣對洞穴探險有興趣，但總會有事物能令你找到自我價值。

送上鴨仔在探險時所拍攝的懾人景色。

女生總在你身邊，請下載《香港01》App

立即下載： https://hk01.onelink.me/FraY/hk01app