紅館綵排升降台倒塌 林敏驄：自己嗰刻都嚇一跳
林敏驄於紅館舉行《今天星閃閃35年時日如飛林敏驄腦交戰作品展演唱會》頭場，演唱會未開，紅館就出了些意外，因為舞台倒塌，蔡一智及部分Dancers受傷，而主辦單位亦決定如常舉行，一眾敬業的歌手未受事件影響，完美演繹了首首歌曲。
演唱會中段，阿驄問觀眾：「演唱會係咪好難買，買到要畀個叻自己。」他大爆上星期譚詠麟打給他要飛：「佢助手打嚟話要10張握手位飛，連譚詠麟都要撲飛，我叫佢買淘寶貨再彩色影印啦。」阿驄又笑言個個都識唱校長的歌，用不着他現真身：「使乜佢嚟，佢嚟都係Hea啫，佢啲歌求其搵條茂利唱都唱到。」現場隨即響起校長的歌，還有一個疑似校長的人帶着面具出來，而面具人真身其實是李思捷，阿驄更取笑對方是「蝦條王」。
古巨基出場的部分原定有Dancers伴舞跳唱《無心睡眠》，可惜因為中午的事故Dancers無法演出：「原本排好咗舞，但因為有啲事，個台就得番我，對於我啲跳得唔係咁好嘅人嚟講，背景嘅支持真係好重要。」最後基仔還是落力演出，一個人拎住mic stand走勻全台邊唱邊跳，但唱完之後就迷失舞台：「原本係喺台到走㗎，但依家唔係...點走？(點落台)」
因為舞台的變動，好多歌手到台上演出分外小心，前半段幾乎沒有一個歌手踏足高過兩級的菱形舞台，而最接近出事舞台的一定是Mr.的Alan，Alan在演唱期間大概是唱得太投入，不知不覺走到小舞台上，工作人員見到，要即刻衝上台拉住。
蔡一智綵排时因為升降台突然倒塌而受傷，所以當晚草蜢的演出無奈取消，只有蔡一傑一人獨自完成Solo，傑仔一出場就跑到台上，似乎未受意外影響，他好醒目地在「安全地帶」企定定，工作人員亦沒有攔阻他，唱畢《愛的根源》後，傑仔與阿驄chit chat幾句，傑仔表示蔡一智尾龍骨受傷：「本來有Part係草蜢，但我哋今晚唔可以表演喇，唔好意思。」阿驄表示事件發生時，自己在化妝間：「係工作人員講我先知。自己嗰刻都嚇一跳，打亂晒之後嘅嘢，希望大家多多包涵。」
演唱會最後，阿驄唱出《幻影》，唱唱下突然講：「Bye bye，對唔住！」並邊唱邊落台，唱到落台都仲唱緊。紅館最後於12點12分響起廣播完場。