【多圖】鄭少秋開騷搵「慳妹」撐場　自嘲「扮嘢秋」唔夠高官好戲

鄭少秋為慶祝金禧五十周年在紅館舉行演唱會，除愛女鄭欣宜擔任嘉賓外，曾合作《大時代》的「慳妹」周慧敏（Vivian）亦有到場支持，一連兩個女神到場，Vivian更賣口乖話：「秋官五十周年快樂，你都係咁型、咁勁！頭先你叫我咩話？女神我不敢當，我只係慳妹！」 秋官當然非常開心。

秋官就大讚Vivian的慳妹角色又靚身材又好又夠純純，可惜原來當年兩人無對戲，是一個遺憾，Vivian又大爆話：「嗰時好多人陪你開廠，因為你演戲好犀利，你開廠就嚟睇你演戲學嘢。」

秋官笑言自己當時被傳媒大讚是「神級演技」：「我演咁神化嘅角色演得咁似，你話神唔神？你又係女神，我係神經，我哋都神交咗好耐！」他更謂要同Vivian有進一步的肌膚之親，拖手着唱歌。 Vivian又自爆當年好鍾意秋官的《流氓皇帝》，不過當年用細佬仔聲唱：「因為你出道嘅時候我啱啱出世，所以睇嗰時好細個，希望你唔好介意。」秋官即風趣話幻想破滅。

演唱會期間有一段「扮嘢秋」的部分，秋官更即場表演名曲《香港料理》，他笑言：「最近扮少咗嘢，要扮啲大家熟悉嘅人先有共鳴，依家啲人都係扮政治人物，佢哋扮嘢仲叻過我，點扮？我都係演返啲自己熟悉的角色算啦。」