【有片】陳柏宇扮林子祥唱《分分鐘需要你》 聲似仲交埋浮誇表情
撰文：許栢倫
出版：更新：
陳柏宇(Jason)雖然與未婚妻符曉薇(Leanne)仍然歐遊，不過隱世歌手，又點可以冇音樂作伴呢？話說較早前Jason上TVB節目《流行經典50強》大獲好評，於是他又在社交網站策劃了快閃投票活動，揀出經典作品重新演繹畀歌迷，當時分別揀出了80年代陳百強的《幾分鐘的約會》，以及90年代鄭中基的《晴天陰天雨天》，當時「還債」給歌迷後，Jason更寫上「唱完呢首算係還咗債㗎喇… 雖然我都好想繼續唱」的字眼，不過，原來好戲在後頭，還債之餘仲有Bonus。
5月8日Jason 又在社交網貼文，「以為演唱會先至有encore， 原來投票點唱都有??!! 」，原來在香港翻唱先前兩首歌的時候，早已經錄好今次的歌曲，就是80年代歌曲投票中，第二高票數的歌曲，林子祥的《分分鐘需要你》，今次唱到中段仲要模仿林子祥的唱腔，可是似定唔似，真係見仁見智。
+4
Jason在模仿林子祥唱腔的時候，表情豐富，明顯用力很多，十分搞笑。