【多圖】陳柏宇符曉薇無視電燈膽　過馬路咀嘴：等綠燈最好嘅方法

不少人好怕做電燈膽，害怕自己無癮之餘，有時在情侶情到濃時又不知如何是好。陳柏宇〈Jason)與未婚妻符曉薇（Leanne）即將拉埋天窗，不過近月都聚少離多，事關Leanne經常孖住好友四處旅遊，Jason當然會做接機等浪漫事情。Leanne期待已久，最近終於能相約Jason，再孖住好友Kylica一同到悉尼玩！出發首天，Leanne已經開心到在網上表示：「平時成日留佢一個係香港，今次終於一齊飛！」

難得有時間走轉「愛的旅行」，當然所有時間都不會放過，一於走到哪裏，錫到哪裏。Leanne Po相大曬恩愛，簡單留低字句:「等綠燈最好嘅方法。」而貼上的照片就是答案，兩人等燈時默默錫錫，吸引IG超過2800人羨慕，網友更笑言：「佢兩個完全冇人性」。

兩人瘋狂錫錫，網友已經如此羨慕，作為同行者的Kylica如何是好？當然是Po 相自嘲，她貼文指：「當三人旅遊下，存在一對情侶，另一位單身狗就只能被虐。」相中見到Jason 和 Leanne仍然錫得肉緊，而Kylica在旁邊扁嘴，認真搞笑。