【我不怕唱歌】名作家挑戰唱live　真心愛廣東歌：歌詞與別不同　

「我經常說，鍾意唱歌不代表一定唱得好聽，任何人都有能力可以唱歌，任何人都有呢個權利。」
《我不怕唱歌》最後一集，找來一位香港受歡迎作家，言談間，他道出了整個系列的中心思想。
攝影：梁碧玲

最尾一集主角的歌唱片段，交由Joe Junior和家燕姐兩位資深前輩品評，Joe Junior坦言憑唱歌者的歌聲，知道他很鍾意唱歌，不過感情位有待加強。至於家燕姐，則認為唱歌者的音準和拍子不錯，可是咪太近嘴巴，她都認為歌唱者熱愛唱歌。的確，今集的主角，非常熱愛音樂。

《我不怕唱歌》最後一輯，主角是香港近年最暢銷作家。他由網絡起家，至今寫過47本著作，作品包括《殺手世界》﹑《分手寄賣店》等，短短8年間，奪得多個最受歡迎作家獎項，亦是雜誌《100毛》的專欄作家之一 - 孤泣。

今次孤泣選擇挑戰《明年今日》和《今生不再》。「我揀這兩首歌，是因為《明年今日》，《今生不再》的感覺。其實我有本書寫過《明年今日》，都係一個遺憾的故事，《今生不再》都係講遺憾，我鍾意一啲有悲劇性意思的歌曲。」他又認為廣東歌詞與別不同。「有些感覺其他語言寫不到的，《好心分手》果種感覺你寫不到，歌詞問你係咪好驚？我現在提出分手。你有冇見過國語歌會咁寫？」從揀歌都有如此多心思考慮，果然天生是一位作家。

孤泣唱歌時的聲音與黎明幾分相似，他笑言自己是聽黎明歌曲長大，第一首唱的歌都是來自黎明，可能不知不覺模仿了他的唱腔。不講不知，原來孤泣的音樂經驗絕不淺，早於十年前，已經在網絡開設網站《孤泣的音樂世界》改歌詞玩唱歌，原來寫得一篇好文章，都可能寫出一首好歌。「其實我好鍾意研究歌詞，例如容祖兒的《一拍兩散》，你會發覺原來最尾一段是和第三者說的，每個時代的歌詞我都鍾意。」

「我網站現在有1000萬人次瀏覽，頭25萬人瀏覽的都是愛音樂的人，我第一首歌用38元的咪錄的，我又試過一首歌用47人合唱，包括加拿大﹑香港的朋友，最後Mix在一起，整件事是好開心的年代！」雖然過了多年，他仍記得自己第一首改詞的作品是張宇的《用心良苦》，他將原歌詞「妳的臉，有幾分憔悴」改成「中三初，曾令我痴醉」。

雖然填詞是幕後工作，但孤泣亦不乏演出經驗。「之前開過小型演唱會，幾百人果啲，都係玩下，但其實我知唱歌不是強項，亦曾到內地跟啤梨（葉文輝）登台，超怯場，我心態是玩。都是那一句，我唱得唔好聽都會唱，自己鍾意咪得囉！」

給張敬軒的信。。。

孤泣走到今時今日，別人以為他順風順水，事實並非如此。他憶述：「我細個曾經寫過一篇野畀張敬軒睇，雖然唔知佢有冇睇到，但好多人TAG佢叫佢睇。當時我在時代廣場做緊賣鞋，張敬軒第一首歌《MY WAY》，入面有提到我出生日期...其實佢同我同年的。我聽完好感動，點解同年紀的人，我只是幫緊人著鞋，有人已經好努力走自己的人生路，當時好感觸...現在回想起來，每個人行條路不同，我只是遲了起步...」

孤泣如何捨棄填詞身份，由賣鞋仔轉變成當今香港最暢銷作家，請看下回分解。