【我不怕唱歌】靚女youtuber跳得更唱得　Bob：今次真係估佢唔到

林盛斌(Bob)一看影片，眼都凸埋，「你們集集我都估得中，這集完全估不到！」
說著說著，Bob又說 ：「小弟都有一間娛樂公司，唔介意可以坐低傾下計！唱得非常好！」
究竟係邊個，令一向轉數高的Bob毫無頭緒？
攝：黃國立 何志衡

Youtuber火雞姐原名丁可欣(Yanki)，雖然在網上常以高八度﹑快速說話方式深受網民喜愛，但原來她放慢語速，唱起歌來，卻是令人有意外驚喜！

這次Yanki揀選了吳雨霏的《我本人》，以及曲婉婷的《我的歌聲裡》。「很多人知我跳舞，我自己唱歌鍾意抒情歌。鍾意投入感情唱，自己仲學緊，唱好一首歌好多技巧，投入情緒要苦功，我鍾意這類情歌。」在網絡上，除了火雞姐對生活事件有惹笑看法外，亦不乏跳舞片段，但她坦言：「細個好想做歌手，只係得個想字，唔識入行，未夠膽參加唱歌比賽，跳舞，是因為唱歌不知如何發展，才行了跳舞這條路，現在卻因為跳舞，有機會接觸唱歌了！」

雖然熱愛唱歌，卻甚少展露歌喉，即使在校內亦很少參加比賽，唯一有印象就是《Yes！》校花才表演唱過幾句，「其實對自己唱歌信心本身唔大。」跳舞時Yanki非常有自信，但唱歌時卻略為緊張，「我嘗試將感覺放在唱歌，但始終會緊張，未有足夠信心做這件事。」沒有信心，就要克服。目前Yanki正努力學唱歌，學唱歌後更發現自己不足之處。

雖然從小選擇了跳舞，但原來跳舞對唱歌有幫助，至少節奏感沒有問題。「學咗點用自己把聲，搵返自己的聲音，其實未識唱的時候，會模仿原唱者的聲音，用咗人哋的方法，這半年學緊控制喉嚨，靠老師帶我用自己方法唱，感覺很神奇！」

「自己把聲如何？ 比較清，都算甜，但比較薄。」

這次展歌喉，聽過的藝人都認為她表現非常好，Yanki說：「下年對我來說很大挑戰，我努力學唱歌，做歌手，都不會遺忘跳舞，只識一樣技能不夠，繼續拍片？ 會呀！ 拍片放上網是興趣，有些人是工作，佢哋會有壓力，我自己鍾意拍自己的事情，你話忙咗做歌手，我都想繼續拍，我覺得冇乜限制，可以繼續照做。」

跳舞﹑唱歌﹑拍片，若果論喜愛程度選擇，她毫不猶豫表示：「唱歌﹑跳舞﹑拍片，我真係好鍾意唱歌！」

Yanki希望：「2017年目標，成功唱歌做歌手！」