Supper Moment紅館騷向已故老闆致敬: 相信你會覺得安慰!

Supper Moment紅館騷向已故老闆致敬: 相信你會覺得安慰!
撰文:黃浩晉
出版:更新:

Supper Moment昨晚(1/11)舉行首個紅館騷頭場,在場樂迷一同見證這個「大奇蹟日」,就連主音Sunny也說:「我哋終於嚟到紅館喇!呢件事簡直系黐線㗎!」Supper Moment一向貼地親民,每位成員滿場飛,多次跑進觀眾席與樂迷握手,每次都引起騷動。加上邀請到日本樂隊Survive Said The Prophet上台,可算是首次將Post-Hardcore這種重型音樂帶入紅館,一次過將樂隊的不同面向帶給樂迷,順手打開樂迷耳朵。最後更有「真Encore」唱出《有你有我》,追隨已久的樂迷聽得投入,最緊要都系嗰句「有你有我」吖嘛。攝影:陳順禎

Supper Moment昨晚舉行首個紅館騷頭場,在場樂迷一同見證這個「大奇蹟日」,就連主音Sunny也說:「我哋終於嚟到紅館喇!呢件事簡直系黐線㗎!」(黃浩晉攝)

入場樂迷都是真fans,首首歌識唱不在話下,全場自動波企起身,拍手位、合唱位統統識做交足反應,可見Supper Moment感染力實在驚人,可以令每位樂迷如此「入血」。監製Adrian Chan更走到台前,參與《小夥子》、《今夜酒氣吹過》、《尋回一碗湯》、《大丈夫》等歌曲。《今夜酒氣吹過》改編成帶Bossa Nova感覺的編曲,Sunny更Rap出對樂迷及已故老闆Gary Chan的心意,完整Rap詞如下:

「12年來走過無數個嘅場館由教堂  酒吧 live house再到今日嘅紅館講真 當初我哋嘅故事 邊有明確嘅劇本系全靠你哋撐住奇蹟唔會蝕本呢條紅線 究竟可以去邊人生嘅結局根本無人知會點但系今晚你哋嘅歡呼你哋嘅掌聲你哋嘅支持就係紅線音樂繼續落去好大嘅意義我仲要多謝 喺天上面嘅Gary佢永遠托住個下巴企喺台邊嚟到大奇蹟  呢個大日子相信你會覺得安慰  覺得滿意Gary 你聽到嗎Gary 你滿唔滿意啊佢喺個天上面 託我地同你哋講聲多得你欣賞多得你支持like」

《無盡》與《幸福之歌》打孖嚟,眼淺啲嘅觀眾一早就「缺堤」。(陳順禎攝)
阿雞都彈到眼濕濕。(黃浩晉攝)

一片輕鬆歡愉的氣氛過後,Supper Moment邀請日本樂隊Survive Said The Prophet(SSTP)出場,留意開的樂迷都知道,SSTP結他手Ivan與Sunny是由細識到大的「砂煲兄弟」,能夠同台演出在紅館已經難得,他們還宣佈將進軍武道館開騷。即使身在異地,但兩位兄弟依舊向並同目標進發,而且同登大台,是何等熱血的事,簡直如漫畫情節一樣。唱過新歌《To Whom》後,SSTP唱出《Network System》「拆冧」紅館,挑戰不熟重型音樂觀眾的底線,當然觀眾亦非常受落。

Survive Said The Prophet結他手Ivan與Sunny是由細識到大的「砂煲兄弟」,一同登上紅館,場面相當感人。(黃浩晉攝)
Survive Said The Prophet與Supper Moment合唱《To Whom》。(黃浩晉攝)
Survive Said The Prophet同Supper Moment玩到癲(點擊放大)(黃浩晉攝)
+5

歇斯底里過後,又怎少得Supper Moment招牌的催淚環節,《無盡》與《幸福之歌》打孖嚟,稍為眼淺的觀眾早已「缺堤」,Sunny說:「你哋嘅人生過得好嗎?我希望所有人喺黑暗之中,試嚇好靜去諗下呢條問題……」然後全場一片漆黑,響起《幸福之歌》的前奏。隨著歌曲起伏,微黃的燈光慢慢照向觀眾席,尤如曙光出現療愈觀眾的心,不少女歌迷也偷偷拭眼淚。

到音樂會尾聲,Supper Moment一氣呵成唱出《是你令我再次找到心跳》、《風箏》、《Supper Moment》、《橙海》、《說再見了吧》,再次刺激大家淚線,Sunny更形容在紅館找到「最美麗的橙海」。整喊完你都要氹番嘅,最後「真Encore」唱出《有你有我》,用這片輕鬆的氣氛為音樂畫上完美句號。

點擊重温各個精彩時刻(點擊放大)(黃浩晉、陳順禎攝)
+17
Supper Moment滿場飛走入觀眾席,咁親民難怪樂迷聽得如此當投入。(陳順禎攝)
最尾有「真Encore」唱《有你有我》,真系咩都唔使講,「有你有我先啦」!(黃浩晉攝)
正在加載