《千年如一日》MV終於有得睇　鄭秀文：效果好壯麗又浪漫

「百變天后」鄭秀文（Sammi）早前推出新歌《千年如一日》，雖然新歌剛推出時曾涉及編曲抄襲風波，隨後事件解決，MV如期上線。

鄭秀文《千年如一日》疑似編曲抄襲　主流娛樂香港有限公司發聲明

Sammi繼2017年推出《裸》後終於推出新歌《千年如一日》，今次歌曲由高皓正作曲填詞、Johnny Yim編曲及蔡德才監製。MV剛於今日（8月8日）面世，為了令人感受大自然美態，MV遠赴台灣南雅奇岩拍攝，這個名勝景點以特殊形狀的風化岩石而聞名，在MV中可見「百變天后」Sammi身穿一條bling bling晚裝裙在一片寂靜星空下仰望天際，並把大自然之景色映入眼簾。據知，今次為了拍出大自然的遺美，足足用了一個通宵拍攝，Sammi表示：「我哋今次去咗一個岩石灘拍，係一個有奇形怪狀嘅岩石，為咗採取天然嘅自然光，其實由早到晚都有拍，有等待晨光同埋magic hour，不過拍星空嘅感覺就要等到夜深，拍出來嘅效果好壯麗又浪漫，導演都做咗啲後期製作！」

提到歌詞內容是形象一段千年愛情，Sammi表示：「呢首歌主要講愛情關係，時間嘅長短不是問題，最重要係有愛，大家關係就有如千年如一日咁，唔會因時間耐咗就沖淡感情，大家擁抱住對愛嘅初衷，對愛最單純嘅感覺。」