鄭秀文搶走許生嘅《千年如一日》？ 高皓正：幫佢寫廿部曲都得！
香港「百變天后」鄭秀文（Sammi）最近推出新歌《千年如一日》，據知新歌MV的後期還在進行階段。新歌《千年如一日》由高皓正作曲填詞、Johnny Yim編曲及蔡德才監製。今次亦是Sammi繼《不要驚動愛情》後再與高皓正合作，《千年如一日》的歌曲前奏響起了《不要驚動愛情》的旋律，不禁令人想起是作品與作品之間的延續，當高皓正（Zac）接受《香港01》訪問時回應：「呢首歌本來係畀許志安！」
問到Zac創作《千年如一日》的概念，他坦言來與信仰有關：「歌名係來自聖經嘅故事，喺神嘅角度，一千年好似一日之長，所以時間對神嚟講係好短好快，但對人類嚟講一樣，人類最多只有一百年，眨眼間就過，時間雖然過得快，但可以活得好精彩，如果你有信仰的話，呢個時間係永恆。其實詞人林夕，Wyman（黃偉文）都有寫有關時間嘅作品如《夕陽無限好》及《陀飛輪》，兩首都有講到好多事都未必可以永恆，而《千年如一日》就想相反，將未好嘅事變為永恆，永恆自然有價值，由其是形容人與人之間嘅關係。」
鄭秀文《千年如一日》捲入編曲抄襲風波 東亞發言人：要了解吓先
他續說：「以前嘅《不要驚動愛情》係我嘅親身經歷，以前嘅我戀愛嘅經歷都唔係太好，我想改變，因為我唔改變唔會識到一個好嘅女仔，所以我寫咗《不要驚動愛情》。到今時今日我已經同太太結婚七年，同時亦係三孩之父，我會諗成為咗爸爸唔一定會同老婆感情變淡，除咗感情細水長流之，我都好想同人分享就算我同太太7周年我哋依然好似初戀一樣好開心，所以我就張呢段戀愛經歷寫變成了《千年如一日》送畀老婆結婚7周年嘅禮物。後來經朋友提意之下決定將首歌交畀人唱，我初頭諗Sammi既然唱過《不要驚動愛情》，如果呢首歌可以畀許志安唱咁就好完美，因為畢竟Sammi唱《不要驚動愛情》嘅時候佢哋仲未復合，如今佢同安仔已經結婚，如果安仔再唱《千年如一日》咁就變成好似續集一樣，變得更加美滿。所以我決定將呢首歌經由Sammi交畀安仔，點知最後Sammi自己用咗呢首歌，令到呢首作品更加似《不要驚動愛情》下集。希望呢首歌可以令到更多對愛情無信心嘅人重拾自信，好想更多嘅人感受到《千年如一日》嘅正能量。」
本來打算給安仔的作品，最後由Sammi去演繹，問到當中原因，Zac表示他沒有多問，但他早前聽到Sammi在電台訪問中透露了因由：「我就冇聽Sammi講點解，佢收到首歌大約幾個月之後就話想用，後來佢接受電台訪問時，話安仔覺得首歌比較適合佢。」
問到今與Sammi第二次合作，會否考慮變成三部曲，他笑言：「你問我有冇興趣寫三部曲，如果安仔肯唱當然好啦，至於Sammi呢廿部曲都冇問題！」