華仔天地30周年 粉絲憶述劉德華最暖心舉動：好小事佢都會記喺心
從香港娛樂圈開始蓬勃以來，要數上名氣最強的港星，也離不開劉德華。1981年入行，在90年代初已被封為「四大天王」，及後亦成為了《健力士世界紀錄大全》當中獲獎最多的香港歌手，更得到了三次《香港電影金像獎》最佳男主角及兩次《金馬獎》最佳男主角。一堆一堆的獎項，可能只是華仔演藝生涯當中的里程碑。他真正的成就，或許是他的處事態度、正面人格，因而影響了好幾代人。從1988年開始，劉德華的Fans Club「華仔天地」正式成立，時至今日，可能已是香港、甚至華人地區擁有最多粉絲的一個Fans Club。轉眼數十年，原來今天(6月18日) 正是「華仔天地」成立的三十周年。
華仔對粉絲的好，深信大家也聽過不少，「演唱會勇救台下粉絲」、「勸阻保鏢推撞粉絲」，不難明白為何粉絲會對他死心塌地。早前在九展舉行30周年會慶，《香港01》藉著這個機會，訪問一下到底劉德華的粉絲們為何如此鍾情於他，好人好事又是否只是報章上所見？
會員Sarah：華仔喺我29歲嘅人生內佔了一個重要位置
「華仔天地」的一位會員Sarah，1993年已加入了「華仔天地」，由於家人也熱衷於劉德華，當年還未懂事的她已經與家人一起入會，問到她到底是何時開始喜歡華仔，Sarah道：「由細到大都鍾意，我懂事嘅時候應該係4、5歲，當時已經入咗會。好記得細個每次見到華仔，佢都會同我玩、摸下我個頭。又試過小學同屋企人一齊出街排通宵買演唱會飛。最深刻大概係3、4歲嘅時候，每次有咩大小歌迷活動或者演唱會，只要華仔唱歌嘅時候見到我，佢都會畀個咪我唱歌，我每首都識唱，一字不忘！」
Sarah分享她的自豪經歷的同時，也道出了華仔對她人生的影響：「華仔喺我29歲嘅人生內佔了一個重要位置，細個嘅時候佢會激勵我努力讀書。中學時期佢又會教我打保齡球，後來我入選咗港隊，佢又會教我點樣面對批評、壓力，無論表現如何佢都會一直給予我信心同鼓勵，令我感受到一路以來都有值得信任嘅強大後盾。」
會員Larry：有一次墨爾本演唱會取消，佢都飛過嚟探歌迷
由「華仔天地」創會以來已加入的Larry，是Fans Club內最資深會員之一。她道：「其實由華仔出道，拍港台電視劇《江湖再見》已經鍾意佢，嗰時仲係1981年。當初鍾意華仔係佢靚仔、孝順和努力。參加咗華仔天地後，同佢多咗接觸，更加鍾意佢。因他不旦愛護家人甚至愛護粉絲的家人，多年來都冇改變過對朋友的真誠，視粉絲為知己，就如一家人。」
還記得2001年美國發生911悲劇，當時華仔仍在世界巡迴演出，可惜因事故關係，沒法依時到達悉尼及墨爾本開演唱會。最後他只能在悉尼開了一場，而墨爾本的便要取消，而Larry正是其中一位隨著他走巡迴的歌迷：「佢墨爾本個演唱會取消之後，仍然特登飛過去墨爾本同歌迷聚會，仲同我哋一齊搭飛機返香港。我好記得佢喺機場問咗我哋一句：今次坐飛機唔驚咩？我哋同佢講，只要跟住佢就唔驚。」
會員Cindy：試過一次大雨，佢畀咗把遮我
一位「華仔天地」第二屆會員憶述：「二十年前等佢時，當日突然落大雨，華仔喺車上見到我冇遮，佢叫人借把遮畀我，當時好感動，小小事情足以見到佢為人好好，好有心照顧佢嘅fans，作為一個巨星，無論幾小事都會在意。」
每位歌迷為華仔做過最瘋狂嘅事，似乎都離不開排隊買演唱會飛，可見當年華仔嘅飛係幾搶手，而呢個會員亦不例外：「試過為咗買佢嘅演唱會飛，我排足一個星期隊，更加試過懷孕初期都一樣照排隊買飛，其實超辛苦，排完隊仲見紅要返去安胎。」
不同時期的劉德華
斯斯：我同佢講想轉工，兩個月後佢都仲記得
另一位1991年入會的會員，最初只因為華仔的外貌而迷上他，入會後漸漸開始欣賞華仔的人品：「佢對人好真心，亦好關心自己嘅粉絲。幾年前第一次轉工，我同佢講唔知點算好，隔咗兩個月之後再見到佢，佢竟然記得呢件事，仲問我搵到工未，證明佢真係用心去記住大家。」更試過一次，她有一位朋友入醫院做手術，問起她會否有機會與華仔見上一面，希望華仔能寫咭鼓勵：「當晚知道華仔去打波，我就去球場搵佢，當時佢啱啱休息緊，同佢講咗做手術嗰位朋友嘅情況之後，華仔即刻簽咗張咭畀我，仲托我問候嗰位朋友。」
細微的舉動，卻得到大量樂迷的歡心，或許這正是華仔的魅力所在。所以提起買演唱會飛，這位會員也笑說：「其他人可能會覺得排兩星期隊買演唱會飛係瘋狂，但我覺得係正常。」
劉德華近年活動照片