【專訪】女聲合唱苦水大會　被陳輝陽「非法禁錮」到凌晨4點？

陳輝陽於2016年成立女聲合唱，舉辦《少女的祈禱》音樂會，到今年舉辦《上一次流淚》音樂會，很多樂迷都表示看完演出都不禁流淚。不過台下樂迷聽得感動，但台上表演者背後練習、錄音的辛酸你可能未必能想像到。甚至有女聲合唱成員曾「投訴」陳輝陽，到底所為何事呢？
攝影：陳順禎

女聲合唱有28位成員，單單是協調人手都已經很困難，陳輝陽直言：「我哋個錄音歷程係好痛苦㗎！」他續說：「你試下夜晚7點半放工，要約8個朋友出嚟食飯，你約俾我睇吖！你就知道有幾難，更何況錄音。」

相信大家都聽過，歌手進錄音室要錄起一隻歌，隨時都要錄幾日，其實女聲合唱都遇過類似情況，甚至更「嚴峻」。陳輝陽憶述：「我哋初時試過，淨係錄『垃圾』呢兩個字，第一次錄都錄咗個半鐘。」他續說：「錄《垃圾》嘅時候，你可能就咁聽會覺得好感動，其實當中用咗好多時間及汗水換返嚟，試過有一日錄音錄到凌晨4點半。」

事後其中一位成員更向陳輝陽「投訴」，她抱怨：「可唔可以唔好再錄咁耐？第二日仲要返工！」為避免再「chur得太盡」，陳輝陽與樂團指揮「約法三章」，以後錄音不能再超過晚上11時半。

女聲合唱作為樂壇新人，理應向陳輝陽請教才是；不過陳輝陽卻從新人身上學會一些道理。他表示：「初時我見有咁多女仔喺到，我唔敢提出要求，遇到問題我就諗不如唔好講住。但後來發現如果我try to be nice person，唔解決個問題，個問題繼續喺到，冇好過。」直到其中一個成員提出要求，希望陳輝陽坦白點出問題所在，這才是真正團員着想，他方恍然大悟。

秦馨敏身為陳輝陽旗下的歌手，亦笑言自己是女聲合唱的「老油條」成員，對此亦有很深感受。她表示：「其實如果唔係有呢個project(女聲合唱)，可能完咗中學就唔會再接觸音樂，今次係勾番起以前好嚴謹地訓練嘅回憶。我真係好鍾意合唱團，其實開心過我出嚟唱solo㗎！」

除此之外，秦馨敏亦有談到對陳輝陽的第一印象，她笑言：「我開頭唔知佢係邊個嚟㗎！心諗係咪釣魚阿叔？完全唔似香港偉大作曲家，哈哈！其實我喺佢面前都講過，佢都接受咗。」還有幾位成員接受訪問，大談參加女聲合唱以及對「老闆」的感覺，大家記得留意訪問片段喇！