【過年必聽】MastaMic最後一年Rap Up　十年香港大事紀錄正式完結

一年容易又新春，講就講得好輕鬆，其實一年內發生咗幾多件大事，可能我哋都未必記得清楚。由08年開始，本地Rapper MastaMic就開始咗一個習慣，就係逢過年前都會推出Rap Up，用Hip Hop回顧香港過去一年發生的大事。十年又過去，Rap Up系列由08推出到17，雖然過程中有人批判他的Flow每年也差不多，又有人覺得他是為「抽水」而寫歌，但「Rap Up系列」整整紀錄了一個世代的小城大事，沒有堅持是絕對做不到。襯著新春推出《17 HK Rap Up》，不論你是否同意他當中的想法，MastaMic也的確有把網民的意見放在心上，不停改進音樂風格，令人敬佩，畢竟每年做一段長達十分鐘的Rap Up敘述香港大事，實在需要花很多心力。

Rap Up系列來到最後一年，沒有刻意賣弄煽情，照樣由娛樂Rap到港聞。他坦言：「其實Rap Up就等於每年新聞嘅大事回顧，每年都一樣咁做。係咪因為用Rap嘅形式，所以每年都要用新嘅Style去做？其實喺我心目中，Rap Up唔係畀Hip Hop迷聽嘅嘢，而係去到6、70歲嘅人，聽到唔知係咩嚟嘅，佢哋都會覺得得意，容易接受嘅嘢。」十年間，他其中一個最大的感受就是：「十年來沒有認真享受過聖誕節及農曆新年，因為每年這段時間也在為Rap Up趕工，作最後修輯。」而他亦坦言：「最大轉變應該是做Rap Up的理念。由最初單純希望自己有多些人認識，去到後來，我發現原來真的每年也有追聽這個系列，會有人追問Rap Up何時推出。但慢慢地Rap Up不單是MastaMic的產物，更是屬於大家的。」