【叱咤】音樂毋須分界線　方皓玟：啱聽就主流㗎啦，總之要做自己

方皓玟昨晚在叱咤頒獎禮得到「我最喜愛的女歌手」獎項，相信樂迷都替她非常高興，因為由入行至今方皓玟終於有一個女歌手大獎，加上她將會迎接小生命，喜事浪接浪。

方皓玟在慶功宴接受訪問時，形容創作是自己生命的一部份，那現在有小生命出現，會否帶來新靈感？她表示：「會呀！會明白女性，以及母親嘅岡位更多。其實我懷孕以後同屋企人關係close咗好多，會明白一個家庭，一個媽媽嘅角色好唔容易。所以喺創作嘅時候會有更多，關懷、愛、Give and Forgive嘅諗法係入面。」

那方皓玟會否因為小生命而暫時放下創作步伐？她表示可以兩者兼顧：「現代女性唔使咁保守，有時間就可以出去做嘢開工，寫歌各樣嘢可以兼顧到。」

身為創作人，她與Supper Moment有共同願望：「正如所Supper Moment所謂，好希望呢個台上，有更多音樂類型可以誕生；但同樣都會面對如果一啲唔係比較大路，其實係嘗試擴闊條界線，係需要好大勇氣同埋持久力。」

外界至今仍然刻意劃分「主流」與「非主流」音樂，方皓玟聞言：「啱聽就主流㗎啦！唔啱聽就非主流，其實依家個界線都細，唔需要去介意，總之做自己真心鍾意嘅嘢就得。」

方皓玟補充保持初心才會持到突破：「雖然都要理個市場，不過係睇下點樣搵一個最好嘅balance。其實我哋做嘅時候都唔係望住個結果，自己嘅初心係最重要，就可以繼續搵到突破。」