【新城勁爆】頒獎禮後排勁冷清　坐多兩粒鐘會唔會走剩一半？

今年《新城勁爆頒獎禮》改為12月29日舉行，被港台搶佔「每年第一個頒獎禮」的地位。頒獎禮今晚7點半在灣仔會展正式開始，識睇勁爆嘅話，其實重點並唔喺頒獎上，而係每年嘅入座率都可以媲美亞視台慶，每況越下。繼過往連續兩年勁爆沒有視像直播後，今年頒獎禮終於再度進行網上視像直播。雖然新城早已宣布視像直播會在晚上7點半同時開始，不過時至晚上7點50分，直播才正式開始，未知是否跟入座率有關。

從畫面所見，新城可說是每年也保持到穩定的入場人數，全場大概填滿了七成座位。新城知訊台節目執行總監程凱欣早前接受《HK01》訪問表示：「今年啲門票都好搶手。」不過似乎還需要多幾年時間努力經營，才能把座位填滿。話雖如此，新城仍然每年堅持在灣仔會展搞頒獎禮，有信念總算是一件好事，不過每年也如此尷尬，倒不如節省一點成本，學學港台，在禮堂裡進行也未嘗不可。