陳柏宇請張敬軒做壓軸嘉賓　一次過聽晒《騷靈情歌》《櫻花樹下》

陳柏宇(Jason)日前舉行首次紅館個唱，相信不少樂迷都替他高興，皆因Jason終於不再是「隱世」。一連兩晚的演唱會除了唱單滿足了樂迷不同願望，主打side track都唱齊之外，所邀請到的嘉賓也是驚喜，首晚是鄭伊健，壓軸是張敬軒。

唔好講咁多，聽歌先啦喂！

相信以「行走的CD」稱呼陳柏宇和軒仔很多人也會認同，兩人有靚聲不用多講，加上現場演唱發揮穩定，每次聽Live都是一種享受。日前陳柏宇紅館騷尾場，二人先合唱《騷靈情歌》，以磁性溫柔的聲線令樂迷聽得如癡如醉。陳柏宇到中段更搞鬼地要同軒仔「鬥高音」，誰知聲量太大令軒仔也忍不住掩耳，場面相當惹笑。而且軒仔見到陳柏宇能上紅館都戥對方非常高興，高呼：「你得咗喇陳柏宇！」然後二人肉緊攬攬。

陳柏宇在台上送一張親筆簽名的新專輯給張敬軒，更表示第一次在台上如此輕鬆地唱歌，又視軒仔為學習對象；而軒仔亦禮上往來，送上皮鞭寓意陳柏宇「鞭鞭有力」，引得全場觀眾哄堂大笑。交換完禮物，軒仔又為陳柏宇拉票，希望在場觀眾集氣投選他做「我最喜愛男歌手」，有多的票數才投予軒仔。最後軒仔唱出《櫻花樹下》，又是超水準演出，一個演唱會能聽到兩把靚聲真的值回票價。

仲有《櫻花樹下》呀！