【多圖】陳柏宇唔怕老婆呷醋　紅館騷肌與女粉絲「共赴雲宵」

一連兩場《陳柏宇Speechless演唱會》昨晚舉行頭場，陳柏首次開紅館個唱當然主打歌與sidetrack都唱齊滿足不同樂迷願望，《I Miss You》、《你瞞我瞞》、《固執》、《沒有你，我甚麼都不是》及《原諒我怕黑》等等歌都有唱。

在唱《你瞞我瞞》時，一眾dancer化身成童話故事中的小兵、小丑及白兔，上演一個迷你劇場版。到歌曲高潮部份突然急停，令人感覺勢色不對，然後一聲強如槍聲的爆破，兩隻白兔像被「槍殺」般倒下，令人嘩然。那一下爆破確實嚇人，爆風非常強勁，前兩排的觀眾兜口兜面硬食，頭髮都被吹動，霎時間不懂反應愣住了片刻。

除了「驚險」時刻，也有一些搞笑時刻，唱《永久保存》時是握手環節，豈料陳柏宇太親民每一次都「深入」觀眾席，歌唱完也未繞場一圈，陳柏宇打圓場說：「好唔公平呀可？但life is not fair , happy with what you have! 好似我咁，有一把靚聲但係有時控制得唔好；有個靚樣但係高度又爭啲啲；有個靚嘅身型但又冇啱嘅時候除衫！哈哈！」樂迷聽到「除衫」二字都雙眼發光，又大叫除衫，不過陳柏宇偏偏賣關子沒做到。

雖然除衫騷肌環節到最尾才有，但演唱會還有些溫馨片段值得回味，唱《磗頭》時觀眾自發營造一片燈海，非常浪漫；身穿紅色戰衣的陳柏宇就如「漆黑中的熒火蟲」一樣鮮明出眾。

而且台上有一架白色飛船叫「機會嚟喇飛雲」，一位幸運的女觀眾同陳柏宇「共赴雲宵」，該女觀眾興奮得又自拍又做心心手勢，而且還可倚在陳柏宇身旁聽男神唱歌，令很多女fans葡萄，未能登機的女fans發出震耳欲聾的尖叫聲表達嫉妒。

另外，陳柏宇請到兒時偶像鄭伊健出場，送上一大驚喜。Jason先自彈自唱半首《驚天動地愛戀過》，然後本尊鄭伊健現身舞台一同合唱，Jason高興得攬實伊健。Jason又講笑話：「我以前都留過伊健頭，但一行出街個個都叫我姐姐或者妹妹，原來冇番咁上下大隻靚仔真係唔可以留伊健頭㗎！」伊健當然好畀面冇笑，讓Jason先回後台休息一下，接着唱出《發現》。「浩南哥」魅力依然又懂得帶氣氛，全場觀眾都看得如癡如醉。

陳柏宇重返舞台唱到《Baby Don’t Cry》講起與媽媽的故事：「嗰時我媽咪兩邊走，有時佢走嗰陣錫我啖我仲瞓緊，但其實事後我係唔開心不過我冇同佢講。首歌雖然你哋聽得係一首好sweet嘅歌，但其實係講緊呢件事。」之後Jason唱出由Tim Lui重新填詞版的《Baby Don’t Cry》，Jason更唱到眼濕濕。

除了溫馨催淚位，練得一身橫練肌肉的陳柏宇當然與歌迷「分享」，但除衫前一刻他安慰自己：「唔好覺得自己好似做鴨咁，脫衣舞都係一種職業！」跟手再做幾下sit up谷恆先除衫，不過短短幾秒就着返衫。可能Jason知大家未夠喉，後來唱到《車匙》激動得有半首歌都半裸上身，讓樂迷大飽眼福；到歌曲爆發位Jason要發力的一下再次谷恆肌肉，絕對是「視聽享受」，引得觀眾尖叫連連。一個演唱會一次過滿足fans多個願望，最後陳柏宇以一曲《別來無恙》劃上圓滿句號。