張敬軒正式回歸樂壇 復出玩古典樂夠Gimmick
撰文：黃浩晉
出版：更新：
張敬軒昨晚到紅磡綵排，為星期日沙田新城市廣場Music in Town活動作準備，現場有二胡女演奏家陳璧沁及超過30位管弦樂手一同排練。
軒仔與在場樂手排練《酷愛》一曲，以管弦樂為主的編曲比起原本的編曲更豐富，層次鮮明，而且每一個action位更震撼。即使是綵排軒仔亦非常投入，交足功課，高音位更唱到現青筋，十分落力演唱。
接受訪問時，軒仔提到今年是自己入行15年，這次與交響樂團合作是一個kickoff，正式出返嚟做嘢。被問到他早前曾提及希望學習更多古典樂知識，今次合作是否一個好機會？軒仔表示：「今年都同好多同Classical單位合作嘅機會，除咗今次（新城市廣場的演出），又有另一個交響樂團嘅合作，係幾好嘅。」
軒仔又提到家中愛犬情況開始穩定，早前更找來動物傳心師了解狀況，他指愛犬知道自己行動不便不希拖累軒仔。被問到動物傳心會否與宗教有衝突？軒仔表示：「我唔會否定佢嘅存在，有朋友真係因為呢個傳心師搵番佢隻狗仔，仲要講得出呢隻狗仔當時個環境有咩特徵，有咩地標係好specific。」