張敬軒暫別樂壇去讀書？　英皇：會去美國進修音樂

張敬軒與王菀之開完4場紅館演唱會後，今日KOL瓊姐就出Post指張敬軒宣布短暫暫別樂壇，話要去讀一讀書，鑽研一下古典音樂。此文一出，就令軒仔fans十分驚訝，似乎接受唔到，不禁留言問：「幾時講㗎？？？？」瓊姐就即時回覆：「演唱會上講嘅。」其後都有睇過演唱會的fans留言都仲記得軒仔講過類似說話：「當時軒仔話：『離開一陣，想好似Ivana咁有古典音樂底子』，但就冇諗過咁大獲。」不過，最令人關心的就是張敬軒暫別樂壇，「降兩度」演唱會點算呢？瓊姐都留言表示：「應該唔會走數嘅 #雖然佢有個朵叫走數軒」

咁大件事，《香港01》就向過張敬軒的唱片公司英皇娛樂求證，亦有所回應。張敬軒在第二場有相關的言論，但意思他會去進修。英皇表示軒仔的確將會到美國進修唱歌及跳舞，而平時張敬軒都會不停去進修，增值自己，至於會否暫別樂壇，據了解軒仔都未有類似想法，就算去進修都不會放低音樂事業。即是說軒仔進修歸進修，都可以keep住同步做歌，看來今次只是虛驚一場。