李克勤30周年紅館騷談生B　鄭秀文串：5張嘢啦，你得唔得呀！

李克勤《慶祝成立30周年演唱會》一連9場演場紅館騷今晚舉行頭場，場外發售各式紀念品，有限量500套的郵票、黑膠唱片、CD、T恤、totebag等等。晚上8晚演唱會正式開始，場內座無虛席，英皇娛樂老闆楊受成都是座上客支持克勤。李克勤一向以唱功見稱有「CD勤」的稱號，甚少跳舞，為慶祝入行30周年，克勤以勁舞打開演唱會序幕。不單止跳舞，克勤更吊威吔跳起到空中旋轉，配合舞台煙火效果相當精彩，為樂迷送上驚喜。克勤笑言自己像去完泳池一樣，大汗淋漓。
 

克勤又講到：「歌手開演唱會會遇到好多問題，我喺到開過一百次演唱會，第一次遇到搭唔切台，個台係今日兩點先搭好，如果有啲咩沙石希望大家多多包涵！」然後唱出《藍月亮》。唱完《藍月亮》，克勤邀請樂手上台，伴自彈自唱《當找到你》、《告別校園時》、《一生不變》。唱《活着為求甚麼》克勤尬高台升到兩層樓高，配合強勁的燈光效果，讓樂迷視覺聽覺都極盡享受，而且無論地上或高台克勤一樣超水準。