吳亦凡《July》加中樂彈奏似神功戲 盂蘭終於有嘻哈？
「她的眼光 她的眼光 好似好似星星發光
睇見 睇見 睇見 睇見 心慌慌……」——《鬼新娘》
正值農曆七月，相傳盂蘭節鬼門關大開，長輩們都會勸大家盡可能11時前回家，以免碰見「朋友」。不過都會有人想應下節，感受另類節日氣氛，聽《鬼新娘》最適合不過，獨留家中關燈播歌，的確會「聽到 聽到 聽到 聽到 心慌慌…」
話雖如此，《鬼新娘》聽得太多都略嫌老土，近期聽Hip Hop才是「潮流指標」， 不如嘗試轉聽吳亦凡的《July》，歌名以「七月」命名說不定同樣應節。若果嫌電音太重失去了中國傳統特色，放心吳亦凡以傳統中樂樂器重編《July》一曲，絕對能為大家送上不一樣的「七月」體驗。
日前吳亦凡與一眾《中國有嘻哈》的參賽者到綜藝節目《快樂大本營》做嘉賓，吳亦凡率領戰隊中的PG One與Brant.B小白合唱《July》，但並非單純播放MMO(伴唱聲帶)，而是邀請「華陰老腔」中樂團為他們伴奏。「華陰老腔」以二胡、高胡、低胡、月琴、嗩吶、銅鑼等等傳統中樂樂器彈奏出《July》的樂句，再加上EDM令整個編曲變得中西合壁，在農曆七月聽別有一番風味。
其實《July》加中國風冇問題，但要「華陰老腔」扮彈做戲真係有點那個……
「《July》中西合壁Ver.」其實聽起來不算兀突，因為只是將歌曲的Hook line變成中樂樂器的聲音，以往也有很多將中樂樂器聲音混合電音的歌曲，但整個表演實在是令人尷尬。只在intro和outro聽到「華陰老腔」的銅鑼聲和方言唱腔，其餘的時間都是扮彈，而且輕易就能看到那些樂手們彈奏的動作不跟拍子，雖然當成是MMO就可以，但要一眾樂手在鏡頭前交戲實在有點替他們難過。
好彩吳亦凡、PG One同小白表演都交足功課
不過吳亦凡、PG One與小白都是真材實料地rap，PG One重新寫過一段歌詞，小白則沿用在《中國有嘻哈》比賽的歌詞，吳亦凡理所當然地唱出原版歌詞。表演完畢後，吳亦凡看起來面有難色，因為「華陰老腔」的團長非常「熱情」，要吳亦凡當自己的老師，而PG One和小白站在一邊沉默無語，氣氛相當尷尬。感覺上是《快樂大本營》將「吳亦凡戰隊」與「華陰老腔」擺上枱，雙方為了節目效果在鏡頭前交戲，真係隔住個mon都feel到難堪。
可想而知，中樂版《July》確實應節，觀眾毋須看鬼片，同樣雞皮疙瘩，背後一涼，睇到 睇到 心慌慌……
大家可以比較下兩個版本，睇下鍾意邊個多啲