【一首歌】董敏莉《池畔派對》講狂歡 「不停熱吻太誇張」

撰文:黃浩晉
出版:更新:

曾經一段時間流行偶像派歌手,由拍廣告、演戲、唱歌再轉型走才女路線的藝人,必定會數上董敏莉這個名字。大學主修法國文學的她,正式入行前是廣告模特出身,2004年開始,她便開始在電視、電影、唱歌等工作上多線並行。劇集《赤沙印記@四葉草.2》中飾演的方敏讓人印象深刻。初期走歌手路線的她,在推出首張專輯後已漸漸把重心轉移到拍攝工作上,近年更以DJ及主持身份亮相於不同的電視及電台節目。

雖然沒在樂壇得過獎項,但《池畔派對》也可算是她的代表作,皆因MV中有男神周柏豪的出現。《池畔派對》收錄於2004年董敏莉的首張專輯《Monie Monie》,由夏至作曲,謝傑編曲及作詞。歌曲MV內出現的周柏豪仍是未出道的小夥子,作為師姐的董敏莉更在MV內一手一腳把毒男造型的柏豪BB改造成帥氣的男生,就像歌詞內容鼓勵大家喜歡便要主動出擊,「趁著炎夏想愛就愛花得起 要盡情地揮霍便講我愛你」。

董敏莉3歲半囡囡酒店跌倒後腦着地 突然狂嘔急入院觀察48小時

撰文:張嘉敏
出版:更新:

董敏莉(Monie)與律師老公莊耀金於2016年結婚,婚後兩人育有一女莊子子,囡囡如今已3歲半,她們一家去年初移民台灣,Monie不時會於IG分享生活近況。昨日(14日)Monie就透露囡囡日前喺酒店浴室不慎跌倒繼而狂嘔,她留言表示:「呢個小朋友之前喺酒店浴室跌倒😓 係成個撻低(後腦着地,四腳朝天😨) 大喊咗一陣 敷咗冰、檢查咗身體 晚上觀察下佢有咩異樣 第二日都好精靈活潑 不過穩陣起見都係諗住睇吓醫生 點知開長途車返屋企中段 子子話個肚唔舒服 係咁攪條安全帶話好緊 隔咗一陣 佢突然間嘔 係嘔晒中午食嘅嘢出嚟 都幾多吓 而我只能用手幫佢接住🤮 佢勁驚又勁喊 我地梗係更加擔心😭 即刻改道揾最近嘅醫院急診睇下🩺 (而佢心愛嘅公仔布布都中咗D嘔吐物👉🏻👈🏻)。。。 」

董敏莉與囡囡。(董敏莉ig)

她續說:「疫情關係 醫院急症只准一人陪診 爸爸唯有在外等候。。。唔多人 等了10分鐘左右就見外科醫生 做了評估 醫生話子子嘅嘔吐應該不是外傷引起 見佢行得走得好活潑 之後再轉到兒科醫生檢查一下 頭部、眼睛,手手腳腳都沒有大礙。。。即刻放心晒❤️ 不過都要觀察多48小時 如果突然有咩狀況 要即時就醫 同埋醫生話呢排唔好再跌親 亦唔好參與球類活動 子子真係要乖乖唔好亂跑亂跳喇😅 」

囡囡要入院觀察。(董敏莉ig)

她又提供了一些有用資料給家長們:「家長最關心嘅其實係咩情況之下要睇醫生 所以 整理咗醫生俾嘅兒童頭部外傷資料 讓大家參考一下💁🏻‍♀️ 兒童頭部外傷如出現以下症狀之一,要馬上就醫:

-全身或區域性抽筋

-出現嗜睡,且不容易叫醒

-兩側瞳孔大小不一

-嘔吐情形越來越明顯,且出現噴射式嘔吐

-出現肢體無力狀態

-步態不穩,容易跌倒

-易於平常的哭鬧或躁動不安

-前囟門明顯膨脹

-耳朵或鼻孔流出不明液體

-頭痛情形越來越嚴重

。。。希望大家新嘅一年平安健康🧧 情人節快樂🍒」

Monie囡囡已經出院。(董敏莉ig)
+8
正在加載