【一首歌】陳奕迅《失戀太少》感激舊情人 「毋忘受傷的寶訓」
撰文：史順宜
出版：更新：
一個歌手要做到專輯裡面首首歌都Hit，真係唔容易，以「歌神」陳奕迅為例，非主打歌曲熱爆程度絕對比得上主打歌曲。收錄於2001年推出嘅專輯《Shall We Dance? Shall We Talk!》內嘅《失戀太少》就係其中一個好例子，哩首歌曲真係陪過唔少失戀嘅人渡過寂寞嘅晚上。
失戀嘅時候揀咩類型嘅歌去聽係非常緊要，因為聽歌要抒發心情還是影響心情真係一線之差，一首歌太Sad，歌詞過於夭心夭肺，可以會令你傷心欲絕，一首歌過於正能量，你又可能會搵唔到共鳴。由陳輝陽作曲，林夕作詞嘅《失戀太少》雖然令唔少人聽完後變淚人，但歌詞入面對提到對舊情人嘅感恩，對逝去感情嘅懷愐，將失戀視為寶貴一課嘅想法，真係可以為失戀嘅人帶嚟共鳴，為寂寞嘅晚上帶嚟一份安慰。
美好的／沉澱了／沒有火花不要燒
愛過的／成熟了／犯錯只因失戀太少