【一首歌】「拜金世界實在變態」 陳奕迅《心深傷透》頹咪發洩囉

正所謂「人生不如事十常八九」，你話我老套都要講㗎喇，唔開心咪發洩下囉，話之你爆晒粗鬧空氣又好，打枕頭又好，最緊要將心中不滿一次過爆晒出嚟，谷埋谷埋傷身呀！
P.S.要顧及其他人安全感受，要發洩都唔係大晒嘅

老老實實，香港地個個都咁大壓力，11年前巴士阿叔都講過「你有壓力，我有壓力」，過咗咁多年呢樣嘢仲係「未解決」！

壓力來源有好多，冇拖拍就想快啲有着落，有拖拍另一半又想催你快啲結婚；冇樓喺手就想上車，有樓喺手又要煩點供掂佢；連續OT成個星期……都係唔數落去喇，費是提起大家嘅傷心事。

「拜金世界實在變態/城市失控老作亂咁嗌」
「如有天找到烏托邦　多HIGH」

今時今日份糧就越嚟越唔見使，「未見官先打三十大板」，一出糧就要交乜費物費冇咗截，仲有家用，同另一半每月紀念日要送「驚喜」，豬朋狗友嗌飲嘢又要使幾嚿，份糧好似用嚟應酬人都唔係做啲令自己開心嘅事，齋睇字都覺得灰。

覺得辛苦？唔緊要，嗌下啦，嗌出嚟個心會舒服啲㗎。

嗌完啦嗎？早啲瞓聽朝準時返工喇！

仲可聽埋負責編曲嘅Hardpack自己玩番