【一首歌】尹光《少理阿爸》父親節要反思　「冇銀用又要躝街！」

6月18日就是父親節，想好咗帶老豆去邊到玩未？雖然有人話母親節﹑父親節都是對沒有爸媽的孩子一種殘酷對待。不過今日唔討論呢個問題喇，每年去到呢啲時候，多數人晨早就會帶老豆去飲茶，茶樓一定逼爆。雖然這些節目都會給予餐廳有理由加價推出套餐給金，不過要表示自己係孝順仔，都難免要破費一番！母親節可以送首《真的愛你》﹑《世上只有媽媽好》﹑或者《你阿媽大減價》畀媽媽，咁父親節呢？又好似冇乜選擇，不如諗下呢首。

尹光的「口水歌」父母輩一定聽過，如果你用呢首歌送畀爸爸，相信佢定必會心微笑。《少理阿爸》是尹光的代表作之一，歌詞並沒有用上粗口，只是用上諧音字表達意思，極其量只是歌曲中提及到「冰茄曲香」四種毒品，以及使用了「冚家」和「仆街」等較「粗俗」的字眼。

而歌曲最洗腦的地方，必定是「冚家HIGH HIGH HIGH冇銀用又要躝街/爸爸YO YO YO同你講嘢氣都嘥/冚家HIGH HIGH HIGH做你老豆冇陰功呀/爸爸YO YO YO吖少理阿爸正仆街」。